Select Your Language

Notifications

webdunia
webdunia
webdunia
webdunia

చిత్రపరిశ్రమలో లైంగిక వేధింపులు సర్వసాధారణం : గాయని చిన్మయి

Advertiesment
Chinmayi

ఠాగూర్

, సోమవారం, 26 ఆగస్టు 2024 (16:37 IST)
చిత్రపరిశ్రమలో క్యాస్టింగ్ కౌచ్ అంశం మరోమారు తెరపైకి వచ్చిది. మలయాళ చిత్రపరిశ్రమలో సాగుతున్న లైంగిక వేధింపులపై జస్టిస్ హేమ కమిషన్ నివేదిక ఇవ్వడంతో ఈ అంశం ఇపుడు చర్చనీయాంశంగా మారింది. దీనిపై గాయని చిన్మయి మాట్లాడుతూ, చిత్రపరిశ్రమలో లైంగిక వేధింపులు సర్వసాధారణని తెలిపారు.
 
ఆమె తాజాగా ఇచ్చిన ఇంటర్వ్యూలో మాట్లాడుతూ, హేమ కమిటీలోని సభ్యులు, విమెన్ ఇన్ సినిమా కలెక్టివ్ (డబ్లూసీసీ) సభ్యులకు సింగర్ హ్యాట్సాఫ్ చెప్పారు. సినీ పరిశ్రమకు చెడ్డ పేరు వచ్చిందని, ఇక్కడ లైంగిక వేధింపులు సర్వసాధారణం అని చాలామంది విశ్వసిస్తారని చెప్పారు. తమిళ పాటల రచయిత వైరముత్తు నుంచి తాను స్వయంగా లైంగిక వేధింపులు ఎదుర్కొన్నానని, ఆ కేసులో తాను పోరాడుతూనే ఉన్నానని తెలిపారు. 
 
చాలా చిత్ర పరిశ్రమల్లో నేరస్తులు కలిసి పనిచేస్తారని పేర్కొన్నారు. ఆమె దీనిని 'అధికారం, రాజకీయాలు, డబ్బు బంధం'గా అభివర్ణించారు. సినీ పరిశ్రమలోని వ్యక్తులతో రాజకీయ సంబంధాలు నేరస్తులకు శిక్ష పడకుండా అడ్డుకుంటున్నాయని అన్నారు. మనం ఓ సమస్య గురించి ఫిర్యాదు చేసినా, కేసు నమోదు చేసినా పెద్దగా ప్రయోజనం ఉండదని చిన్మయి ఆవేదన వ్యక్తం చేశారు. 
 
కేసు సంవత్సరాలు, దశాబ్దాలపాటు సాగుతుందన్నారు. తాను ఇప్పటికీ కోర్టుల చుట్టూ తిరుగుతున్నట్టు చెప్పారు. ఏడేళ్లు అయినా ఆ కేసు ఎక్కడుందో ఇప్పటికీ తనకు తెలియదని వాపోయారు. 'నేను వేధింపులకు గురయ్యానని చెప్పాను. ఇండస్ట్రీలో ఇక నిన్ను పనిచేయనివ్వబోమని వారు చెప్పారు' అని చిన్మయి చెప్పుకొచ్చారు. అధికారం, రాజకీయాలు, డబ్బు పెనవేసుకుంటే జరిగేది ఇదేనని వివరించారు. 

Share this Story:

Follow Webdunia telugu

తర్వాతి కథనం

కన్నప్ప లో విష్ణు మంచు తనయుడు అవ్రామ్ భక్త మంచు