Webdunia - Bharat's app for daily news and videos

Install App

Select Your Language

Notifications

webdunia
webdunia
webdunia
webdunia
Advertiesment

అధర్వ నుంచి సిమ్రాన్ చౌదరి ఫస్ట్ లుక్

Simran Chaudhary
సోమవారం, 26 సెప్టెంబరు 2022 (17:07 IST)
Simran Chaudhary
కార్తీక్ రాజు ప్రధాన పాత్రలో పెగ్గో ఎంటర్‌టైన్‌మెంట్స్ బ్యానర్‌పై తెరకెక్కుతున్న కొత్త సినిమా 'అధర్వ'.  క్రైమ్ థ్రిల్లర్ మూవీగా భారీ హంగులతో రూపొందుతున్న ఈ సినిమాకు మహేష్ రెడ్డి దర్శకత్వం వహిస్తుండగా  సుభాష్ నూతలపాటి నిర్మాణ బాధ్యతలు చేపట్టారు. నూతలపాటి నరసింహం, అనసూయమ్మ సమర్పణలో తెలుగు, తమిళ, కన్నడ, మలయాళ భాషల్లో ఏకకాలంలో ఈ సినిమాను ఎంతో గ్రాండ్‌గా రూపొందిస్తున్నారు. విజయ, ఝాన్సీ ఎగ్జిగూటివ్ ప్రొడ్యూసర్స్‌గా వ్యవహరిస్తున్నారు.  
 
ఈ సినిమా ప్రమోషన్స్ విషయంలో తాజాగా హీరోయిన్ సిమ్రాన్ చౌదరి ఫస్ట్ లుక్ రిలీజ్ చేశారు. చిత్రంలో నిత్య అనే పాత్రలో సిమ్రాన్ చౌదరి కనిపించనుందని తెలిపిన యూనిట్.. ఈ రోల్ సినిమాలో చాలా కీలకం అని పేర్కొన్నారు. ఈ ఫస్ట్ లుక్ పోస్టర్ లో మిస్టరీ కేసును ఛేదించడంలో ఆధారాలు వెతుకుతున్నట్లుగా చాలా సీరియస్ లుక్ లో కనిపించింది సిమ్రాన్ చౌదరి. తెలుగు, తమిళ, కన్నడ, మలయాళ భాషల్లో ఈ పోస్టర్ విడుదల చేశారు.
 
రీసెంట్ గా మాస్ మహారాజా రవితేజ చేతుల మీదుగా విడుదల చేయించిన టైటిల్ లోగో, మోషన్ పోస్టర్‌కు విశేషమైన స్పందన వచ్చింది. అలాగే ఈ మూవీ నుంచి హీరోకి సంబంధించిన యాక్షన్ లుక్‌ని రిలీజ్ చేయగా సూపర్ రెస్పాన్స్ అందుకుంది. కార్తీక్ రాజు పవర్‌ఫుల్ రోల్‌ను పోషించినట్టు ఆ లుక్ హింటిచ్చింది. ఇక ఇప్పుడు రిలీజ్ చేసిన సిమ్రాన్ చౌదరీ లుక్ సినిమా పట్ల ఉన్న క్యూరియాసిటీ పెంచేసింది. 
 
ఇప్పటివరకు వచ్చిన క్రైమ్ థ్రిల్లర్ సినిమాలతో పోల్చితే ఈ సినిమా డిఫరెంట్ అనుభూతి కలిగిస్తుందని ఇప్పటివరకు వదిలిన అప్ డేట్స్ స్పష్టం చేస్తున్నాయి. అదేవిధంగా డీజే టిల్లు, మేజర్ లాంటి సినిమాలకు మ్యూజిక్ అందించిన శ్రీచరణ్ పాకాల ఈ సినిమాకు బాణీలు కట్టడం విశేషం. ఆయన మ్యూజిక్ సినిమాకు మేజర్ అసెట్ అంటున్నారు మేకర్స్. ది సీకర్ ఆఫ్ ది ట్రూత్ అనే ట్యాగ్ లైన్ తో ఈ సినిమాను ప్రేక్షకుల ముందుకు తీసుకొస్తున్నారు మేకర్స్. 
 
ఈ సినిమాకు చరణ్ మాధవనేని సినిమాటోగ్రఫీ అందిస్తుండగా.. సిమ్రాన్ చౌదరి, ఐరా, అరవింద్ కృష్ణ, కబీర్ సింగ్ దుహాన్, కల్పిక గణేష్, గగన్ విహారి, రామ్ మిట్టకంటి, కిరణ్ మచ్చ, మరిముత్తు, ఆనంద్, విజయరామరాజు తదితరులు ముఖ్యపాత్రలు పోషించారు. 

Share this Story:

Follow Webdunia telugu

తర్వాతి కథనం

అందరినీ అలరించేలా తెలుగు సినీ పాత్రికేయ చరిత్ర - కృష్ణ‌, బ్ర‌హ్మానందం