ప్రముఖ నటి శ్రియ చరణ్ తాజాగా అభిమానులకు ఒక షాకిచ్చిన సంగతి తెలిసిందే. ఇప్పటిదాకా ఇండస్ట్రీకి దూరంగా ఉంటూ వస్తున్న శ్రియ సడన్‌గా తన తొమ్మిది నెలల కూతురిని ప్రపంచాన్ని పరిచయం చేసింది. దీంతో అభిమానులు సైతం ఖంగుతిన్నారు.
తాజాగా తన కూతురి గురించి కొన్ని ఆసక్తికరమైన విషయాలను పంచుకుంది శ్రీయ. పాపను ప్లాన్ చేసుకునే కన్నామని చెప్పుకొచ్చింది ఈ స్టార్ బ్యూటీ. గత ఏడాది కరోనా వల్ల ప్రపంచమంతా ఆగిపోయినట్టు అనిపించింది, ఆ సమయంలోనే ఫ్యామిలీని స్టార్ట్ చేస్తే బాగుంటుందని నిర్ణయించుకున్నారని చెప్పింది.
తన కూతురికి "రాధ" అనే నామకరణం చేసినట్లు తెలిపిన శ్రీయ ఆమె ట్రావెల్ బేబీ అని ఇప్పటికీ ప్రపంచంలో చాలా ప్రదేశాలలో చుట్టేసి వచ్చిందని తెలిపింది. లాక్ డౌన్ సమయంలో శ్రియ మరియు తన భర్త బార్సిలోనాలో ఉన్నారు. రాధ కూడా జన్మించింది.
ఇక ఈ మధ్యనే ముంబైకి తిరిగి వచ్చినా శ్రీయ మళ్ళీ సినిమా ఆఫర్ల కోసం వెతుకుతున్నట్లు తెలిపింది. ప్రస్తుతం రాజమౌళి దర్శకత్వంలో "ఆర్ఆర్ఆర్" సినిమాలో శ్రియ ఓ కీలక పాత్ర పోషించిన సంగతి తెలిసిందే. ఆ పాత్ర కోసం బరువు తగ్గి ఫిట్‌గా మారిన శ్రీయ తెలుగులో "గమనం" అని ఇంకొక సినిమా కూడా చేస్తోంది.
