బాలీవుడ్ నటి శిల్పాశెట్టి బుధవారం సాయంత్రం ముంబైలోని బాంద్రాలోని కార్టర్ రోడ్‌లో నిర్భయ స్క్వాడ్‌లోని మహిళా అధికారులను సన్మానించే కార్యక్రమంలో పాల్గొన్నారు.
ఈ సందర్భంగా నిర్భయ స్క్వాడ్‌లో రాణించిన మహిళా అధికారులకు షీల్డులు ప్రదానం చేశారు.
ఇక శిల్పాశెట్టి వస్త్రధారణ ఈ కార్యక్రమంలో పలువురిని ఆకట్టుకుంది. ఎరుపు రంగు చీరలో మెరిసిన శిల్పాశెట్టితో సెల్ఫీలు తీసుకునేందుకు నిర్భయ స్క్వాడ్ మహిళా అధికారులు ఆసక్తి చూపారు.
ఈ కార్యక్రమానికి సంబంధించిన వీడియోలు, ఫోటోలు, ప్రస్తుతం నెట్టింట వైరల్ అవుతున్నాయి.
