శృంగార తార‌గా పేరుపొందిన సన్నీ లియోన్ ఆ తర్వాత బిగ్‌బాస్ ద్వారా బాలీవుడ్‌లోకి ప్రవేశించింది. తెలుగులోనూ ఐటం గాళ్‌గా న‌టించింది. ఎక్కువగా త‌న‌ను సెక్సీ పాత్రలే అడుగుతున్నారంటూ స్టేట్‌మెంట్ ఇచ్చింది. అందుకే అలాంటి పాత్రల్లోనే కనిపిస్తున్నానని చెప్పింది. తాజాగా త‌న ఇన్‌స్ట్రాలో ఓ యాక్ష‌న్ సీన్‌కు చెందిన పిక్‌ను పోస్ట్ చేసింది. కాలికి గాయ‌మై ఎర్ర‌గా దెబ్బ‌త‌గిన‌ట్లుగా వుండే సీన్‌ను చూపిస్తూ ఏజెంట్ M జీవితంలో ఒక సాధారణ రోజు ఇది. నాకు ఈ గాయం ఎలా వచ్చిందో తెలుసుకోవడానికి అనామిక చూడండి అంటూ తెలిపింది.
ద‌క్షిణాదిలో తెరపై అందాల ప్రదర్శన చేయాలని అడుగుతుంటారు ప్రేక్షకుల అభిరుచి మేరకే దర్శక నిర్మాతలు సినిమాలు తీస్తారు. ప్రేక్షకులు నన్ను శృంగార తారగానే చూస్తున్నారు. నా సినిమాలు సెక్సీగా, సెన్సువల్‌గా ఉండాలని ప్రేక్షకులు కోరుకుంటారు. కాబట్టి నాకు అలాంటి పాత్రలే వస్తున్నాయి. నేను అవే చెయాల్సి వస్తోంది అని సన్నీ పేర్కొంది. అయితే అప్పుడ‌ప్పుడు ఏజెంట్ పాత్ర‌లు కూడా ఓటీటీ ద్వారా వస్తున్నాయి. వీటి వ‌ల్ల నా స్థాయి మ‌రింత పెరుగుతుంద‌ని భావిస్తున్నాను అని తెలిపింది.
