పెళ్లైన తర్వాత గ్లామర్ పాత్రలకు దూరంగా ఉంటూ విభిన్నమైన కథాంశాలతో కూడిన కథలను ఎంచుకుంటూ సక్సెస్‌లు కొట్టేస్తున్న సమంత… ప్రస్తుతం నందిని రెడ్డి డైరెక్షన్‌లో "ఓ బేబీ" చిత్రంలో నటించింది. ఈ చిత్రం శుక్రవారం ప్రేక్షకుల ముందుకు రాబోతుంది. అలాగే తమిళంలో హిట్ సాధించిన చిత్రం "96" రీమేక్‌లోనూ నటించనుంది. ఈ రెండూ ఇలా ఉండగానే ఆవిడ మరో తమిళ చిత్రానికి గ్రీన్ సిగ్నల్ ఇచ్చేందుకు సిద్దం అవుతోందనే వార్తలు వినిపిస్తున్నాయి.
వివరాలలోకి వెళ్తే... లేడీ సూపర్ స్టార్ నయనతారతో ‘అరమ్’ చిత్రాన్ని తెరకెక్కించిన గోపి నైనర్ డైరెక్షన్‌లో ఓ సినిమా చేసేందుకు సిద్ధం అవుతున్నట్లు తమిళ మీడియాలో వార్తలు చక్కర్లు కొడుతున్నాయి. ‘అరమ్’ చిత్రాన్ని తెలుగులో కర్తవ్యం పేరుతో డబ్బింగ్ చేయగా తెలుగులో కూడా సక్సెస్ సాధించిన విషయం తెలిసిందే. గోపి.. సమంతతో ఒక ఫీమేల్ ఓరియెంటెడ్ చిత్రం చేయాలనుకుంటున్నారనీ... ప్రస్తుతం చర్చలు సాగుతున్నాయనీ... ఈ చిత్రానికి సమంత గ్రీన్ సిగ్నల్ ఇచ్చే అవకాశాలే ఎక్కువగా ఉన్నాయని తెలుస్తోంది.
