సమంత అక్కినేని, నాగ చైతన్యలకు పెంపుడు జంతువులంటే చాలా ఇష్టం. అలా వీరిద్దరూ యష్ అనే శునకాన్ని పెంచుకుంటున్నారు. తాజాగా సమంత తన కొడుకు యష్ అక్కినేని అల్లరిని తెగ ఎంజాయ్ చేస్తోంది.
వాడికి స్నానాలు చేయించడం, యష్‌తో ఆడుకోవడం అంతేకాదు వాడి అల్లరిని కెమెరాలో బందించి ఆ ఫోటోలను, వీడియోలను సోషల్ మీడియా వేదికగా పంచుకోవడం చేస్తోంది. దానికి సంబందించిన ఫోటోస్‌ను సమంత ఎప్పటికప్పుడు సోషల్ మీడియా వేదికగా అభిమానులతో పంచుకుంటోంది. ఆ కుక్క పిల్ల కూడా సూపర్ క్యూట్ ఉండి నెటిజన్స్‌ను తెగ ఆకట్టుకుంటోంది.
'ఏమాయ చేశావే' సినిమా ద్వారా తెలుగు తెరకు పరిచయమైన సమంత.. ఆ సినిమా హీరో చైతూనే ప్రేమించి వివాహం చేసుకుంది. ఇటీవల ఈ భామ చేసిన సినిమాలన్నీ బాక్సాఫీస్ దగ్గర దుమ్ము దులుపుతున్నాయి. తన భర్త నాగ చైతన్యతో పెళ్లి తర్వాత కలిసి నటించిన ‘మజిలీ’ సినిమా ఈ యేడాది మొదట్లో విడుదలై బాక్సాఫీస్ దగ్గర అదిరిపోయే కలెక్షన్స్‌ను రాబట్టింది.
ఆ తర్వాత సమంత ఓ కొరియన్ రీమేక్‌లో నందిని రెడ్డి దర్శకత్వంలో వచ్చిన ‘ఓ బేబి’ కూడా బాక్సాఫీస్ దగ్గర మంచి కలెక్షన్స్‌ను రాబట్టింది. సమంత ప్రస్తుతం దిల్ రాజు నిర్మాణంలో వస్తున్న తమిళ సినిమా '96' రీమేక్‌లో శర్వానంద్‌కు జోడిగా నటిస్తోంది. ఈ సినిమా షూటింగ్ ఇటీవలే పూర్తైంది. తమిళంలో విజయ్ సేతుపతి, త్రిష జంటగా నటించారు. తెలుగులో సమంత, శర్వానంద్ ముఖ్యపాత్రలు పోషిస్తున్నారు.
