ప్రముఖ నిర్మాణ సంస్థ జీఏ2 పిక్చ‌ర్స్ స‌మ‌ర్ప‌ణ‌లో పీపుల్ మీడియా ఫ్యాక్ట‌రీ, అభిషేక్ అగర్వాల్ ఆర్ట్స్ బ్యానర్లు స‌మ‌యుక్తంగా కళ్యాణ్ దేవ్ ప్రొడ‌క్ష‌న్ నెం 3ని నిర్మిస్తున్న సంగ‌తి తెలిసిందే. ప్రముఖ సినీ ర‌చ‌యిత శ్రీధ‌ర్ సీపాన్ ద‌ర్శ‌క‌త్వంలో తెర‌కెక్కుతున్న ఈ సినిమాకి టీజీ విశ్వప్రసాద్, వివేక్ కూచిభొట్ల, అభిషేక్ అగర్వాల్ నిర్మాతలు, టాలెంటెడ్ బ్యూటీ అవికాగోర్ హీరోయిన్. ఇప్ప‌టికే ఈ సినిమాకు సంబంధించి విడుద‌ల చేసిన కళ్యాణ్ దేవ్ బ‌ర్త్ డే గ్లిమ్స్ వీడియోకి అన్ని వ‌ర్గాలు ప్రేక్ష‌కుల నుంచి మంచి ఆద‌ర‌ణ ల‌భించింది. ఈ నేప‌థ్యంలో జూన్ 30న హీరోయిన్ అవికాగోర్ పుట్టినరోజు సంద‌ర్భంగా విడుద‌ల చేసిన విజువ‌ల్ గ్లిమ్స్ కు అనూహ్య స్పంద‌న ల‌భిస్తోంది.
అల్ట్రా మోడ్ర‌న్ గా ఈ చిత్రంలో అవికా క‌నిపించ‌బోతుంద‌నే విష‌యం ఈ గ్లిమ్స్ ని చూస్తే అర్ధం అవుతుంది. ప్రముఖ సంగీత దర్శకుడు అనూప్ రూబెన్స్ కళ్యాణ్ దేవ్ సినిమాకు సంగీతం అందిస్తున్నారు. ఈ చిత్రానికి ఐ ఆండ్ర్యూ సినిమాటోగ్రఫీ అందిస్తున్నారు. జునైద్ సిద్ధికి ఎడిటింగ్ బాధ్యతలు తీసుకున్నారు. త్వరలోనే ఈ సినిమాకు సంబంధించిన మరిన్ని వివరాలు దర్శక నిర్మాతలు అధికారికంగా ప్రకటించనున్నారు.
