కోలీవుడ్ హీరో సూర్య నటించిన తాజా చిత్రం "కంగువా". ఈ నెల 14వ తేదీన ప్రపంచ వ్యాప్తంగా భారీ ఎత్తున విడుదలకు సిద్ధంగా ఉంది. ఈ విడుదల తేదీకి కేవలం ఒక్క రోజు మాత్రమే సమయం ఉంది. కానీ ఇప్పటికి తాజాగా తెలుగు రాష్ట్రాల బుకింగ్స్ అరకొరగా మాత్రమే రిలీజ్ చేశారు. ముఖ్యంగా నైజాం ఏరియాస్‌‍లో లిమిటెడ్ స్క్రీన్స్‌ను మాత్రమే ఓపెన్ చేశారు.
'కంగువా' తెలుగు రాష్ట్రాల్లో డిస్ట్రిబ్యూట్ చేస్తున్న మైత్రీ మూవీస్ సంస్థకు నైజాంలో థియేటర్ చైన్ కలిగిన ఎషియన్ సంస్థకు మధ్య చిన్నపాటి వివాదం సాగుతుంది. అందుకే పీవీఆర్, ఏఎంబీ, ఏఏఏ వంటి మల్టీప్లెక్స్‌లో బుకింగ్స్ ఓఎన్ చేయటంలో ఆలస్యం అవుతుందని తెలుస్తోంది.
యువీ క్రియేషన్స్ భాగస్వామ్యంతో జ్ఞానవేల్ రాజా నిర్మించిన కంగువా విడుదలలో విషయంలో ఎందుకో ఎదో ఒక జాప్యం జరుగుతూనే ఉంది. ఇప్పటికే ఈ సినిమా రిలీజ్ పలుమార్లు వాయిదా పడింది. ఇప్పుడు నైజాంలో ఇష్యూ ఎప్పుడు సెట్ అయి.. బుకింగ్స్ ఓపెన్ చేస్తారనే ఉత్కంఠ నెలకొంది.
