కోలీవుడ్ స్టార్ హీరో సూర్య, శివ కాంబినేషన్‌లో "కంగువ" మూవీ తెరకెక్కింది. ఈ సినిమాను భారీ బడ్జెట్‌తో తెరకెక్కించారు మేకర్స్. అందుకే ప్యాన్ ఇండియా స్థాయిలో ‘కంగువ’ హిట్ అవ్వాలని ఓ రేంజ్‌లో ప్రమోషన్స్ చేస్తున్నారు. ఇప్పటికే దేశమంతా చుట్టేస్తూ ఈ సినిమాను చూడమని ప్రేక్షకులకు చెప్తుండగా అమెరికాలో ‘కంగువ’ ప్రీ బుకింగ్స్ మేకర్స్‌ను హ్యాపీ చేస్తున్నాయి.
అమెరికాలో ఇండియన్ హీరోలకు బాగానే మార్కెట్ ఉంది. ప్రీ బుకింగ్స్ విషయంలో ఈ మూవీ దూసుకుపోతోంది. తాజాగా అమెరికాలో ప్రీ బుకింగ్స్ వల్ల ‘కంగువ’ ఎంత కలెక్ట్ చేసిందో మేకర్స్ స్వయంగా రివీల్ చేస్తూ హర్షం వ్యక్తం చేశారు. యూఎస్‌లో కూడా తమిళంతో పాటు ఇతర సౌత్ భాషల్లో కంగువ విడుదలకు సిద్ధమయ్యింది.
అమెరికా వ్యాప్తంగా ‘కంగువ’ ప్రీ బుకింగ్స్ వల్ల 125 వేల డాలర్లు కలెక్ట్ అయ్యిందని, ఇంకా ఈ ప్రీ బుకింగ్స్ కొనసాగుతున్నాయని మేకర్స్ ప్రకటించారు. దీంతో సైలెంట్‌గానే ఈ సినిమా రికార్డులు క్రియేట్ చేసేలా ఉందని సూర్య ఫ్యాన్స్ పండగ చేసుకుంటున్నారు.
