కన్నడ భామ రష్మిక "ఛలో" సినిమాతో టాలీవుడ్ ప్రవేశం చేసి, తర్వాత 'గీతగోవిందం' సినిమాతో ఎనలేని క్రేజ్ సంపాదించుకుంది. ఇక అప్పటి నుంచి వరుస సినిమాలతో దూసుకెళ్తోంది. 'దేవదాస్' సినిమాలో నేచురల్ స్టార్ నానితో జత కట్టి సక్సెస్‌ను సొంతం చేసుకుంది. ఇక మరో క్రేజీ ప్రాజెక్ట్‌లో హీరోయిన్‌గా ఛాన్స్ కొట్టేశాక ఆ విషయంలో ఒక సర్‌ప్రైజ్ ఇవ్వనున్నట్టు శుక్రవారం మధ్యాహ్నం ట్వీట్ చేసింది. ఆ తర్వాత సాయంత్రం 6 గంటలకు చెప్తానని ఊరించిన రష్మిక ఏం చెప్పిందంటే.
లేడీస్ అండ్ జెంటిల్మన్.. బాయ్స్ అండ్ గర్ల్స్.. అన్ని వయస్సుల పిల్లలకు జీవితాంతం బ్రహ్మచారులుగా ఉండే భీష్మ బాయ్స్. హీరో నితిన్‌ సర్.. దర్శకుడు వెంకీ కుడుముల సర్.. నిర్మాత నాగవంశీ సర్.. సితారా ఎంటర్‌టైన్‌మెంట్ బ్యానర్‌లో భీష్మ సినిమా చేయబోతున్నాను. ఆ సినిమా షూటింగ్ కోసం ఇక వెయిట్ చేయలేను అని రష్మిక ట్వీట్ చేసింది.
అంతేకాకుండా మార్చి 30న పుట్టినరోజు జరుపుకుంటున్న నితిన్‌కు శుభాకాంక్షలను కూడా ట్విట్టర్ ద్వారా తెలియజేసింది. ఈ ఏడాది మీకు మరిన్ని సక్సెస్‌లు స్వంతం కావాలని కోరుకుంటూ వెంకీ కుడుముల తీస్తున్న ఈ సినిమా మనందరికీ మరింత ఆనందం కలిగించాలని కోరుకొంటున్నాను. ఆన్ స్క్రీన్ మాత్రమే కాకుండా ఆఫ్ స్క్రీన్‌లో కూడా వినోదం ఉంటుందని భావిస్తున్నాను అని పేర్కొంది.
