బోయపాటి శీను దర్శకత్వంలో రామ్ చరణ్ హీరోగా చేసే సినిమాలో ఐటమ్ సాంగ్ చేసేందుకు రకుల్ ప్రీత్ సింగ్ నో చెప్పిందట. ఇప్పటికే చరణ్‌తో హీరోయిన్‌గా నటించిన రకుల్.. ఐటమ్ సాంగ్ అంటేనే ఆమడ దూరంలో నిలిచిందట. బోయపాటి, చెర్రీ కాంబోలో యాక్షన్ ఎంటర్టైనర్‌గా నిర్మితమవుతోన్న ఈ సినిమాకి, 'వినయ విధేయ రామ' అనే టైటిల్‌ను ఖరారు చేశారు.
ఈ సినిమాలో కథానాయికగా కైరా అద్వాని నటిస్తోంది. ఈ నేపథ్యంలోనే ఈ సినిమాలో ఒక ఐటమ్ సాంగ్‌ను బాలీవుడ్ భామతో చేయించనున్నారనే టాక్ వచ్చింది. కానీ ఇదే సాంగ్ కోసం రకుల్ ప్రీత్ సింగ్‌ను సంప్రదించినట్లు సమాచారం. తెలుగులో రకుల్ ప్రీత్ సింగ్‌కి ఒక్కసారిగా అవకాశాలు తగ్గిపోవడంతో.. దీనికి తోడు ఐటమ్ గర్ల్ ఛాన్సులు రావడంతో రకుల్‌కు చిర్రెత్తుకొచ్చిందట.
అంతే బోయపాటి సినిమాలో ఐటమ్ సాంగ్ చేసేది లేదని తేల్చేసిందట. ప్రస్తుతం తాను బిజీగా ఉన్నాననీ .. ఐటమ్ సాంగ్ చేయడం కుదరదని రకుల్ స్పష్టం చేసిందట. చరణ్‌తో గతంలో రెండు సినిమాల్లో రకుల్ హీరోయిన్‌గా చేసింది. అదే చరణ్ సినిమాలో ఐటమ్ సాంగ్ చేయడం ఇష్టంలేకనే ఆమె నో చెప్పిందనే అభిప్రాయాలు వ్యక్తమవుతున్నాయి. ప్రస్తుతం కోలీవుడ్‌పై రకుల్ దృష్టి పెట్టిందని.. ఆమెకు అక్కడ సినిమా ఛాన్సులు బాగానే వస్తున్నాయని టాక్ వస్తోంది.
