నేను చాలా ఓపెన్ టైప్... నాపై ఇలాంటి వార్తలా: మీడియాపై రకుల్ ప్రీత్ సింగ్ ఫైర్

నేను చాలా ఓపెన్ టైప్.. అలాంటిది నాపై ఇలాంటి అసత్య వార్తలు రాయడమేంటని టాలీవుడ్ నటి రకుల్ ప్రీత్ సింగ్ మీడియాపై మండిపడుతున్నారు. తన కుమార్తె బ్రాహ్మణి వివాహాన్ని అంగరంగ వైభవంగా నిర్వహించిన కర్ణాటక మాజీ

నేను చాలా ఓపెన్ టైప్.. అలాంటిది నాపై ఇలాంటి అసత్య వార్తలు రాయడమేంటని టాలీవుడ్ నటి రకుల్ ప్రీత్ సింగ్ మీడియాపై మండిపడుతున్నారు. తన కుమార్తె బ్రాహ్మణి వివాహాన్ని అంగరంగ వైభవంగా నిర్వహించిన కర్ణాటక మాజీ మంత్రి గాలి జనార్దన్‌ రెడ్డి ఇల్లు, కార్యాలయంపై ఐటీ శాఖ అధికారులు సోదాలు నిర్వహించారు. అదేసమయంలో ఈ వివాహ కార్యక్రమంలో హీరోయిన్లు రకుల్ ప్రీత్ సింగ్‌తో పాటు.. మరికొందరు నటీమణులు డ్యాన్స్ చేశారు. వీరికి భారీ మొత్తంలోనే ముట్టిందన్న ప్రచారం జరిగింది. 

ఈ వార్తలపై ఆమె స్పందించారు. ఆ వార్తల్లో లేశమాత్రం కూడా నిజం లేదన్నారు. 'జనాలు ఈ విషయాన్ని ఎందుకు వదిలేయరో నాకు తెలియడం లేదు. తొలుత నేను డ్యాన్స్‌ చేయడానికి ఒకటికి మూడింతలు పారితోషికం తీసుకున్నానన్నారు. తర్వాత ఐటీ దాడి జరిగిందని ప్రచారం చే1శారు. ఇలా చేయడం చాలా కోపాన్ని తెప్పిస్తోంది. ఈ పుకార్లతో మా నాన్న చాలా బాధపడుతున్నారు. ఎవరూ నిజానిజాలను పరిశీలించడం లేదు, కనీసం నన్ను సంప్రదించడం కూడా లేదు. నేను మీడియాతో చాలా ఓపెన్‌గా ఉంటాను. నాజీవితానికి సంబంధించిన ప్రతి విషయాన్ని వారితో పంచుకుంటాను' అని రకుల్‌ చెప్పుకొచ్చింది.