హీరోయిన్ సమంతతో సినీ దర్శకుడు రాజ్ నిడిమోరు డేటింగ్ చేస్తున్నట్టుగా వార్తలు వస్తున్న తరుణంలో ఆయన సతీమణి పెట్టిన ఓ పోస్ట్ ఇపుడు వైరల్‌గా మారింది. తాజాగా ఆమె నమ్మకాన్ని ఉద్దేశించి ఒక ఆసక్తికర స్టోరీ షేర్ చేశారు.
రాజ్ నిడుమోరుతో సమంత డేటింగ్ చేస్తున్నట్టు వార్తలు వస్తున్న వేళ శ్యామాలి నమ్మకం గురించి మాట్లాడటం ఇపుడు చర్చనీయాంశంగా మారింది. "నమ్మకం అనేది అన్నిటికంటే విలువైనది. ఒకసారి దాన్ని కోల్పోతే ఎన్ని ఆస్తులు పెట్టిన తిరిగి పొందలేరు" అనే సందేశాన్ని ఆమె ఇన్‌స్టా స్టోరీస్‌లో పోస్ట్ చేశారు. ప్రస్తుతం ఇది వైరల్‌గా మారింది.
శ్యామాలి తరచుగా ఇలాంటి పోస్టులు షేర్ చేస్తూ ఉంటారు. అయితే, రాజ్ సమంతలపై వార్తలు వస్తున్నప్పటి నుంచి ఆమె పోస్టులపై నెటిజన్లు ఆసక్తి చూపుతున్నారు. ఇటీవల కూడా కర్మ సిద్ధాంతం గురించి ఆమె ఓ కొటేషన్ పంచుకున్నారు. "కాలం అన్నింటినీ బయటపెడుతుంది. కర్మ సమాధానం చెబుతుంది" అని శ్యామాలి రాసుకొచ్చారు.
