ప్రముఖ నిర్మాత కేటీ కుంజుమోన్ నిర్మిస్తున్న మరో భారీ బడ్జెట్ చిత్రం "జెంటిల్మాన్-2". ఈ చిత్రంలో నటించే హీరోయిన్ పేరును ఆయన బుధవారం ప్రకటించారు. నయతార చక్రవర్తి అనే అమ్మాయి ఈ చిత్రంలో తొలిసారి హీరోయిన్‌గా పరిచయంకానుంది.
గత 1993లో విడుదలైన ఈ మూవీని నిర్మాత కేటీ కుంజుమోన్ తెరకెక్కించారు. శంకర్ దర్శకత్వం వహించారు. సినీ ప్రేక్షకులను ఎంతగానో ఆలరించిన ఈ చిత్రం ఇప్పటికీ ఎవర్‌ గ్రీన్ మూవీగా ఉంది. ఇపుడు సీక్వెల్ మూవీగా తెరకెక్కుతుంది.
ఈ పాన్ ఇండియా మూవీలో మాలీవుడ్ బ్యూటీ నయనతార చక్రవర్తిని హీరోయిన్‌గా ఎంపిక చేసినట్టు అధికారికంగా వెల్లడించారు. ఈమెను మాలీవుడ్‌లో బేబీ నయనతారగా పిలుస్తారు. కాగా, ఈ చిత్రానికి సంగీతాన్ని ఎంఎం కీరవాణి అందిస్తున్న విషయం తెల్సిందే. అయితే, ఈ ప్రాజెక్టుకు దర్శకత్వం ఎవరన్న విషయాన్ని మాత్రం ఇంకా సీక్రెట్‌గా ఉంచారు.
