కేరళ కుట్టి ప్రియా వారియర్. ఒక్క కన్నుగీటుతో దేశ వ్యాప్తంగా గుర్తింపు తెచ్చుకుంది. అలా కుర్రకారు గుండెల్లో చెరగని ముద్రవేసుకున్నారు. ప్రస్తుతం నితిన్ హీరోగా నటిస్తున్న 'చెక్' సినిమాలో నటిస్తోంది. తెలుగులో రంగ ప్రవేశం చేసి, తన అదృష్టాన్ని పరీక్షించుకోనుంది.
చంద్రశేఖర్ యేలేటి దర్శకత్వంలో తెరకెక్కగా, షూటింగ్ సందర్భంగా జరిగిన ఓ ఫన్నీ ఇన్సిడెంట్‌ను ఆమె అభిమానులతో షేర్ చేసుకుంది. షూటింగులో భాగంగా, నితిన్ పరుగెత్తుకుంటూ రాగా, వెనుక నుంచి పరిగెత్తుకుని వచ్చే ప్రియా ప్రకాశ్, ఎగిరి, వీపుపైకి ఎక్కాల్సి వుంది.
ఈ సన్నివేశాన్ని షూట్ చేస్తున్న సమయంలో పట్టుతప్పిన ప్రియ, వెల్లకిలా నేలపై పడిపోయింది. పక్కనే ఉన్న సిబ్బంది వచ్చి ఆమె పైకి లేచేందుకు సాయం చేయగా, తనకేమీ కాలేదన్నట్టుగా 'థంబ్' చూపించింది. ఈ వీడియోను మీరూ చూడవచ్చు.
