Publish Date: Fri, 02 Apr 2021 (21:49 IST)
Updated Date: Fri, 02 Apr 2021 (21:51 IST)
టాలీవుడ్ స్టైలిష్ స్టార్ అల్లు అర్జున్, ఢిపరెంట్ డైరెక్టర్ సుకుమార్ సూపర్ కాంబోలో వస్తోన్న చిత్రం 'పుష్ప'. రష్మిక మందన్న హీరోయిన్గా నటిస్తోన్న ఈ చిత్రంపై టాలీవుడ్లో భారీ అంచనాలే ఉన్నాయి. అల్లు అర్జున్ బర్త్ డే సందర్భంగా గతేడాది ఈ సినిమా ఫస్ట్ లుక్తో పాటు టైటిల్ను అఫీషియల్గా అనౌన్స్ చేసారు. కరోనా సందర్భంగా చాలా లేటుగా ఈ సినిమా ప్రారంభమైంది.
ఈ సినిమా పాన్ ఇండియా లెవల్లో తెరకెక్కిస్తున్నారు. అల్లు అర్జున్ బర్త్ డే సందర్భంగా ఫస్ట్ లుక్ పోస్టర్ రిలీజ్ చేసినప్పుడు ఈ విషయాన్ని అధికారికంగా ప్రకటించింది చిత్రబృందం. తెలుగు తో పాటు మరో నాలుగు భాషలలో ఈ సినిమా విడుదల కానుంది. ఈ చిత్రాన్ని శేషాచలం అడువుల్లో ఎర్ర చందనం స్మగ్లింగ్ నేపథ్యంలో తెరకెక్కిస్తున్నారు. ఈ సినిమాలో అల్లు అర్జున్ చిత్తూరు జిల్లా యాసలో ఇరగదీయనున్నాడు.
ఇప్పటికే ఈ సినిమా షూటింగ్, తూర్పు గోదావరి మధ్యలో ఉన్న రంపచోడవంతో పాటు మన్యంతో పాటు ఖమ్మం అడవుల్లో జరిగింది. ఈ సినిమా కోసం అల్లు అర్జున్ కొత్త లుక్లో పూర్తిగా ట్రాన్స్ఫార్మ్ అయ్యాడు. తాజాగా ఈ సినిమా యూనిట్లో ఒకరికి కరోనా సోకడంతో ఈ సినిమా షూటింగ్కు బ్రేక్ పడింది.
ఈ సినిమాను ఆగష్టు 13న స్వాతంత్య్ర దినోత్సవ కానుకగా విడుదల చేయబోతున్నట్టు ప్రకటించడంతో పాటు బన్ని లుక్ను విడుదల చేస్తే మంచి రెస్పాన్స్ వచ్చింది. తాజాగా ఈ సినిమా నుంచి మరో అప్డేట్ను రేపు ఉదయం 11 గంటలకు విడుదల చేయనున్నట్టు ప్రకటించారు. ప్రీల్యూడ్ పుష్పరాజ్ అంటూ విడుదల చేయనున్నారు.
