కరోనా వైరస్ నుంచి మెల్లమెల్లగా టాలీవుడ్ ఇండస్ట్రీ కూడా బయటకు వస్తోంది. త్వరలో కొత్త సినిమాల షూటింగులు జరిపేందుకు పూర్తి జాగ్రత్తలతో సినీ ఇండస్ట్రీ పెద్దలు కసరత్తు చేస్తున్నట్లు సమాచారం. ఇదిలావుంటే రెబల్ స్టార్ ప్రభాస్ హీరోగా రాధాకృష్ణ కుమార్ దర్శకత్వంలో సినిమా తెరకెక్కుతోంది. ఇందులో పూజా హెగ్డే హీరోయిన్‌. యూవీ క్రియేషన్స్, గోపీకృష్ణ మూవీస్ సంయుక్తంగా నిర్మిస్తున్న ఈ చిత్రం ప్రభాస్‌కు 20వది.
కరోనా వైరస్ కారణంగా ప్రస్తుతానికి షూటింగ్ గ్యాప్ వచ్చింది. ఆమధ్య లాక్‌డౌన్‌కు ముందు జార్జియాలో కీలక షెడ్యూల్‌ను పూర్తిచేసుకున్నారు. ఐతే ఈ చిత్రానికి సంబంధించిన ఎలాంటి ఫోటోలు కానీ లుక్స్ కానీ బయటపెట్టలేదు. తాజాగా చిత్ర ప్రారంభోత్సవ కార్యక్రమానికి చెందిన కొన్ని ఫోటోలను విడుదల చేశాడు దర్శకుడు.
ఈ ప్రారంభోత్సవ కార్యక్రమంలో ప్రభాస్, పూజా హెగ్డే, దర్శకుడు రాధాకృష్ణ కుమార్, యూవీ క్రియేషన్స్ వంశీ, ప్రమోద్, కృష్ణంరాజు, వి.వి.వినాయక్, రాజమౌళి పాల్గొన్నారు. కాగా ఈ ఫోటోల్లో ప్రభాస్-పూజా హెగ్డే జంట సూపర్బ్‌గా వుంది.
