టాలీవుడ్ ప్రిన్స్ మహేష్ బాబు బ్రహ్మోత్సవం మే 20వ తేదీన రిలీజ్ కానున్న సంగతి తెలిసిందే. ఈ సినిమా తర్వాత ఏఆర్ మురుగదాస్‌తో మహేష్ బాబు సినిమా చేస్తున్న సంగతి తెలిసిందే. తెలుగుతో పాటు తమిళంలోనూ మార్కెట్ పెంచుకునేందుకు వీలుగా మురుగదాస్‌తో చేసే సినిమాకు భారీ క్రేజ్ లభించనుంది.
తెలుగులో బాహుబలి తర్వాత అత్యంత భారీ బడ్జెట్‌తో తెరకెక్కనున్న ఈ చిత్రంలో హీరోయిన్‌గా.. బాలీవుడ్ భామ కోసం ప్రయత్నాలు జరుగుతున్నాయి. తొలుత అలియా భట్‌ను తీసుకుంటున్నారని అందరూ అనుకున్నారు. అయితే ప్రస్తుతం మహేష్ బాబు పరిణీతి చోప్రా కుదిరిందని సినీ వర్గాల్లో వార్తలొస్తున్నాయి.
ఇప్పటికే మహేష్ సినిమా కోసం పరిణీతి సంతకాలు చేసిందని సమాచారం. 'సహజంగా సౌత్ సినీ నిర్మాతలు కాంట్రాక్ట్ చేసుకుంటారు కానీ అందులో ఇతర టాపిక్స్ ఉండవు. ఇలాగే ఓ కాంట్రాక్ట్ పంపిస్తే.. అందులో 20 రోజుల టైం ప్రమోషన్‌కి కేటాయిస్తా అనే కాలమ్‌ని యాడ్ చేసి మరీ.. పరిణీతి సైన్ చేసింది' దీంతో పరిణీతి చోప్రా ప్రొఫెషనలిజం చూసి మురుగదాస్ సినీ యూనిట్ షాక్ తింది. దీంతో మహేష్ బాబు సినిమా ద్వారా పరిణీతి చోప్రా దక్షిణాదిన తెరంగేట్రంకు రంగం సిద్ధమైనట్లే.
