బిగ్ బాస్ 4 స్టార్ట్ అయినప్పుడు పెద్దగా ఇంట్రస్టింగ్‌గా లేదు అనిపించినా.. ఇప్పుడిప్పుడే గాడిలో పడుతున్నట్టు అనిపిస్తుంది. ఇప్పటివరకు ఎప్పుడూ రాని విధంగా టాప్ టీఆర్పీ రేటింగ్ రావడంతో మా టీవీ తమ సంతోషాన్ని సోషల్ మీడియా ద్వారా షేర్ చేసారు.
ఇక అసలు విషయానికి వస్తే... 12వ రోజు బిగ్ బాస్ హౌస్‌లో ఎంటర్‌టైన్‌మెంట్ ప్రధానంగా సాగింది. స్కిట్స్, పాటలు, డ్యాన్సులతో సరదాగా సాగినప్పటికీ, మధ్యలో గొడవలు, అలకలు ఎప్పటిలానే కనిపించాయి. అలాగే ఇంటి నిబంధనలు ఉల్లంఘించిన ఇంటి సభ్యులకు శిక్ష విధిస్తూ బిగ్‌బాస్ ఆదేశాలు జారీ చేశారు.
బిగ్ బాస్ హౌస్‌లో శిక్షలు వింతగా ఉంటాయి. అందులో ఎలాంటి సందేహం లేదు. శిక్ష విధించడంతో పాటు మూడో వారానికి ఇంటి కెప్టెన్ ఎంపిక ప్రశాంతంగా జరిగింది. ఇంటి సభ్యులు నియమాలు పాటించకపోవడంపై బిగ్‌బాస్ ఆగ్రహం వ్యక్తం చేశారు. సమయానికి రాకపోవడం, తెలుగులో మాట్లాడకుండా ఇతర భాషల్లో మాట్లాడటంపై కోపగించుకొన్నారు.
బెల్ మోగిన సమయంలో గార్డెన్ ఏరియాలోకి వచ్చి 20 గుంజీలు తీయాలి. బిగ్‌బాస్ మమ్మల్ని క్షమించాలి అని బోర్డుపై రాయాలి అని ఆదేశాలు ఇచ్చారు. ఆ తర్వాత ఇంటిలో కెప్టెన్ ఎంపిక మొదలైంది. నోయల్, అభిజిత్, మెహబూబ్, కల్యాణి కెప్టెన్ రేసులోకి వచ్చారు. ఇంటి సభ్యుల ఏకాభిప్రాయంతో నోయల్‌ను కొత్త కెప్టెన్‌గా ఎన్నుకొన్నారు. కెప్టెన్‌గా ఎన్నికైన నోయల్‌ను బిగ్‌బాస్ అభినందించారు.
