విలక్షణ నటుడు కమల్ హాసన్ అంటే ఓ క్రేజ్. ఆయన ప్రయోగాలకు ప్రాధాన్యత ఇస్తుంటారు. ఐతే నాలుగేళ్లుగా రాజకీయాల్లో బిజీగా గడిపిన కమల్, అంతటి గ్యాప్ తర్వాత నటించిన చిత్రం విక్రమ్. ఈ చిత్రం కేవలం రెండు వారాల్లోనే రూ. 300 కోట్లను క్రాస్ చేసి విజయవంతంగా ప్రదర్శించబడుతోంది. ఈ సందర్భంగా కమల్ హాసన్ తను నటించిన చిత్రం రూ. 300 కోట్ల మార్కును దాటడంపై స్పందించారు.
గతంలో తను నటిస్తే 300 కోట్లు వస్తాయని చెప్తే ఎవ్వరూ నమ్మలేదన్నారు. ఇప్పుడు విక్రమ్ వసూళ్లతో నేను చెప్పిన మాట నిజమైంది. ఈ డబ్బుతో నాకున్న అప్పులన్నీ తీర్చడమే కాదు నాకిష్టమైనవి చేస్తాను. కుటుంబం, సన్నిహితులకు చేతనైన సాయం చేస్తాను. ఈ డబ్బంతా అయిపోతే నావద్ద ఏమీ లేదని నిజం చెప్పేస్తా. ప్రజలకు మంచి చేద్దామని రాజకీయాల్లోకి ప్రవేశించానంటూ చెప్పుకొచ్చారు కమల్ హాసన్.
