నో ఛాన్స్ నెక్ట్స్ టైం చూద్దాం అన్న వాళ్ళే ఇప్పుడు వావ్ సూపర్ యాక్టివ్.. ట్రూ టాలెంటెడ్ అంటూ తెగ పొడిగేస్తున్నారు. ఇంతకీ ఎవరినంటారా...? ఇంకెవరిని జాతిరత్నాల్లో ఒకడైన నవీన్ పోలిశెట్టినే. అవును అనుదీప్ డైరెక్టర్‌లో తెరకెక్కిన జాతిరత్నాలు సినిమాతో మంచి యాక్టర్ గానే కాదు స్టార్ ఇమేజ్‌ను కూడా కొట్టేశాడు నవీన్ పొలిశెట్టి.
అయితే ఈ హీరో ఇప్పటికే క్రేజ్ కొట్టేసి ఓ రేంజ్‌లో దూసుకుపోతున్న తరుణంలో మరో హీరోతో పోలుస్తున్నారు. విజయ్ దేవరకొండతో సమానంగా నవీన్‌ను పోలుస్తున్నారట. అవును విజయ్ లైఫ్ ఈజ్ బ్యూటీ ఫుల్ సినిమాలో చిన్న క్యారెక్టర్లో నటించి పెళ్ళిచూపులు సినిమాతో ఎలా ఆకట్టుకున్నాడో.. నవీన్ కూడా లైఫ్ ఈజ్ బ్యూటీఫుల్, డి ఫర్ దోపిడీ, నేను ఒక్కడినే సినిమాలో చిన్నాచితకా క్యారెక్టర్లు చేసి ఆత్రేయతో బాగా దగ్గరయ్యాడు.
ఇక అర్జున్ రెడ్డి సినిమాతో ఇండస్ట్రీ రికార్డ్‌ను విజయ్ ఎలా తిరగ రాశాడో ఇప్పుడు నవీన్ కూడా జాతిరత్నాలు సినిమాతో అదే పనిలో ఉన్నాడట. ఇలా ఇద్దరూ స్టార్లుగా ఎదుగుతున్న తీరు ఒకేలా ఉందంటూ అభిమానులు సందేశాలు పంపుతున్నారట.
