నాచురల్ స్టార్ నాని హీరోగా టాక్సీవాలా ఫేమ్ డైరక్టర్ రాహుల్ దర్శకత్వంలో "శ్యామ్ సింగ రాయ్" పేరుతో ఓ పీరియాడిక్ డ్రామా తెరకెక్కుతున్న సంగతి తెలిసిందే. ఈ సినిమాలో నాని సరసన సాయిప‌ల్ల‌వి, కృతి శెట్టి, మ‌డోన్నా సెబాస్టియ‌న్ హీరోయిన్లుగా న‌టిస్తున్నారు. ఇప్పటికే రిలీజ్ అయిన శ్యామ్ సింగరాయ్ ఫస్ట్‌లుక్‌కు మంచి స్పందన లభించింది.
ఈ సినిమా డిసెంబర్ 24న ప్రపంచవ్యాప్తంగా తెలుగు, తమిళ, కన్నడ, మలయాళ భాషాల్లో విడుదల కానుంది. ఈ సినిమాకు సెన్సార్ టీమ్ యూ అండ్ ఎ సర్టిఫికేట్ ఇచ్చినట్లు సమాచారం. అంతేకాదు ఈ సినిమా రెండు గంటల ముప్పై ఏడు నిమిషాల నిడివి ఉండనుంది. దీనికి సంబంధించిన సెన్సార్ సర్టిఫికేట్ ప్రస్తుతం సోషల్ మీడియాలో వైరల్ అవుతోంది.
ఇక రిలీజ్ దగ్గరపడుతుండడంతో ప్రమోషన్స్‌లో భాగంగా ఈ సినిమా ప్రిరిలీజ్ ఈవెంట్‌‌ను టీమ్ భారీగా నిర్వహించింది. మరోవైపు ప్రమోషన్స్‌లో భాగంగా ఆ మధ్య ఈ సినిమా నుంచి మరో పాటను విడుదల చేసింది చిత్రబృందం. 'ఏదో ఏదో' అంటూ సాగే ఈ ప్రేమగీతానికి మిక్కీ జె. మేయర్‌ మంచి వినసొంపైన సంగీతం అందించారు. ఈ పాటకు కృష్ణకాంత్‌ లిరిక్స్ అందించగా.. చైత్ర అంబడిపుడి పాడారు.
నాని ఈ సినిమాలో శ్యామ్‌సింగ రాయ్, వాసు అనే రెండు విభిన్న పాత్రల్లో కనిపించనున్నారు. నాని, హీరోయిన్ కృతి శెట్టిల మధ్య వచ్చే రొమాంటిక్ సాంగ్ ఇది. పాటలో లిరిక్స్ చాలా బాగున్నాయి. మంచి రెస్పాన్స్ వస్తోంది. ఈ పాట విడుదలైన 24 గంటల్లో యూట్యూబ్‌లో మూడు మిలియన్ వ్యూస్‌ సాధించి అదరగొడుతోంది. దీంతో చిత్రబృందం దీనికి సంబంధించిన ఓ పోస్టర్‌ను విడుదల చేసింది. తాజాగా సిరివెన్నెల సీతారామశాస్తి గారు రాసిన 'ప్రణవాలయ' సాంగ్‌‌ను రిలీజ్ చేశారు.
