టాలీవుడ్ నేచురల్ స్టార్ నాని. ఈయనతో ప్రముఖ నిర్మాణ సంస్థ మైత్రీ మూవీ మేకర్స్ ఓ చిత్రాన్ని నిర్మించనుంది. వివేక్ ఆత్రేయ దర్శకత్వం వహిస్తున్నారు. పైగా, ఇది హీరో నానికి 28వ చిత్రం. ఈ చిత్రం టైటిల్‌ను ఈ నెల 21వ తేదీన ప్రకటించనున్నారు.
ఇక ఈ దీపావళికి తెలుగు సినిమా కుటుంబానికి మరో వ్యక్తిని కలుపుతున్నామని తెలుపుతూ.. ఈ చిత్రంలో హీరోయిన్ గురించి వెల్లడించారు. ఏడేళ్ళ క్రితం వచ్చిన 'రాజా రాణి' ఫేం నజ్రియా ఫహద్ ఈ సినిమా ద్వారా తెలుగు ఇండస్ట్రీకి పరిచయం కాబోతున్నట్లు నిర్మాతలు ప్రటించారు.
ఈ నెల 21న సినిమా టైటిల్ అనౌన్స్‌మెంట్ ఉండబోతుందని.. డేట్‌మార్క్ చేసుకోవాలని సూచించారు నాని. ఆలోగా హ్యాపీ దీపావళి అంటూ శుభాకాంక్షలు తెలిపారు. ''అంటే..'' అంటూ మైత్రీ మూవీ మేకర్స్ అప్‌డేట్స్ ఇస్తుండగా.. సినిమా టైటిల్ కూడా ఈ ప్రాసలోనే ఉంటుందని అభిప్రాయపడుతున్నారు నెటిజన్లు.
ఇకపోతే, ఈ ట్వీట్‌పై నెటిజన్స్ పాజిటివ్‌గా స్పందిస్తున్నారు. నజ్రియాకు గ్రాండ్ వెల్‌కమ్ చెప్తున్న ఆడియన్స్.. తనను తెలుగు ఫిల్మ్ ఇండస్ట్రీలో చూడటం సంతోషంగా ఉందంటున్నారు. ఇక నాని ప్రస్తుతం "టక్ జగదీష్", "శ్యామ్ సింగ రాయ్" సినిమాలతో బిజీగా ఉండగా.. ఈ ప్రాజెక్టులు పూర్తి కాగానే కొత్త సినిమా షూటింగ్ స్టార్ట్ చేస్తాడని సమాచారం.
