తెలుగు చిత్రపరిశ్రమలో మోస్ట్ సూపర్బ్ కపుల్‌గా పేరుగాంచిన వారిలో ప్రిన్స్ మహేష్ బాబు - నమ్రతా శిరోద్కర్ ఒకరు. అయితే, మహేష్ బాబు పుట్టినరోజు వేడుకను ఆదివారం జరుపుకుంటున్నారు. ఈ సందర్భంగా ఆయనకు సినీ, రాజకీయ నాయకులు బర్త్‌డే విషెస్ చెప్తున్నారు. అలాగే, భార్య నమ్రతా శిరోద్కర్, కుమార్తె సితార కూడా ఆయనకు సూపర్‌ స్పెషల్ విషెస్‌ను అందజేశారు.
'నిజమైన ప్రేమ అంటే ఏంటో అది నేను మీతో అనుభవించాను. హ్యాపీ బర్త్‌డే ఎంబీ. నేను ఇప్పుడు మరియు ఎల్లప్పడూ నిన్ను ప్రేమిస్తూనే ఉంటాను' అంటూ మహేశ్‌బాబు తనను ముద్దు పెట్టుకుంటున్న ఫొటోను నమ్రతా ట్విట్టర్‌లో షేర్‌ చేశారు.
కాగా, మహేశ్‌బాబు ఎనిమిదేళ్ల కుమార్తె సీతారా కూడా సోషల్‌మీడియాలో శుభాకాంక్షలు తెలిపింది. సీతారా తన ఇన్‌స్టాగ్రామ్ ఖాతాలో ఒక అందమైన వీడియో క్లిప్‌ను పోస్ట్ చేస్తూ 'సంవత్సరంలో నాకు అత్యంత ఇష్టమైన రోజు!! హ్యాపీ బర్త్ డే నాన్నా. మీరు ఎప్పటికీ మంచి తండ్రి. నేను నిన్ను చాలా ప్రేమిస్తున్నాను' అంటూ ట్వీట్ చేసింది.
