యంగ్ హీరో నాగ శౌర్య వివాహం నవంబర్ 20న అనూషతో జరగనుంది. బెంగుళూరు JW మారియట్ వివాహ వేడుకలకు వేదిక కానుంది. ఉదయం 11:25 పెళ్లి ముహూర్తం. నవంబర్ 19వ తేదీన జరిగే మెహందీ ఫంక్షన్‌తో ప్రీ-వెడ్డింగ్ వేడుకలు ప్రారంభమవుతాయి. బెంగళూరులో రెండు రోజుల పాటు జరగనున్న వివాహ వేడుక అంగరంగ వైభవంగా జరగనుంది. విటల్ మాల్యా రోడ్ లోని జెడబ్ల్యూ మారియోట్ హోటల్లో వీరి వివాహం జరగబోతోంది. అనూష, నాగశౌర్య కుటుంబ సభ్యులకు అతి దగ్గర బంధువు అని తెలుస్తోంది.
ఎప్పటినుంచే నాగశౌర్య వివాహం గురించి వార్తలు వస్తున్నాయి. సరైన హిట్ కోసం ఎదురు చూస్తున్న నాగశౌర్య రీసెంట్ గా కృష్ణ వ్రింద విహారి అనే సినిమాతో ప్రేక్షకుల ముందుకు వచ్చాడు. ఆ ఫలితాలపై పెద్దగా చూడకుండా నాగశౌర్య మరొక రెండు ప్రాజెక్టులను కూడా లైన్లో పెట్టాడు. అయితే గత కొన్ని రోజుకుగా నాగశౌర్య అతని పెళ్లికి సంబంధించిన పనులలో కూడా బిజీగా మారిపోయాడు. ఇదివరకే సైలెంట్ గా కుటుంబ సభ్యుల సమక్షంలో నిశ్చితార్థం జరిగినట్లుగా తెలుస్తోంది. అయితే అతని పెళ్లికి సంబంధించిన వార్తలు బయట వైరల్ అయినప్పటికీ కూడా ఎక్కడా కూడా పెద్దగా అఫీషియల్ గా ప్రకటించింది లేదు.కానీ సినిమా ప్రొమోషన్ లో మాత్రం తను అచ్చమైన మన తెలుగు అమ్మాయి అని కూడా వివరణ ఇచ్చాడు. దీంతో ఒక్కసారిగా అతని పెళ్లికి సంబంధించిన వార్తలు మరింత వైరల్ అయ్యాయి.
