నాలో భాగమైన చైకి పెళ్లిరోజు శుభాకాంక్షలు.. గర్వంగా వుంది.. సమంత
టాలీవుడ్ యువ దంపతులు నాగచైతన్య, సమంత అక్కినేని వివాహం జరిగి ఏడాది పూర్తయింది. ఈ సందర్భంగా సమంత అక్కినేని ఎమోషనల్‌గా ట్వీట్ చేసింది.
టాలీవుడ్ యువ దంపతులు నాగచైతన్య, సమంత అక్కినేని వివాహం జరిగి ఏడాది పూర్తయింది. ఈ సందర్భంగా సమంత అక్కినేని ఎమోషనల్‌గా ట్వీట్ చేసింది. తనలో భాగమైన చైకి పెళ్లిరోజు శుభాకాంక్షలు. తనను చూస్తే గర్వంగా వుందంటూ ట్వీట్ చేసింది. ఈ గొప్ప రోజును తానెప్పుడూ మరిచిపోలేదని.. సమంత ట్వీట్ చేసింది.
అంతేగాకుండా తన పెళ్లి రోజును పురస్కరించుకుని శుభాకాంక్షలు తెలిపిన అందరికీ థ్యాంక్ చెప్పింది. నిత్యం తమపై ప్రేమానురాగాలు చూపిస్తున్న వారికి కృతజ్ఞులుగా ఉంటామని సమంత వివరించింది.
గత ఏడాది అక్టోబర్ ఆరో తేదీ సమంత-చైతూ ఒక్కటైన సంగతి తెలిసిందే. ఇరు కుటుంబాలను ఒప్పించి రెండు సంప్రదాయాలకు గౌరవం తెచ్చేలా వివాహం చేసుకున్నారు. ఈ ఏడాది వారికి తొలి యానివర్సరీ కావడంతో అక్కినేని కపుల్స్ మొన్నటివరకు హాలిడేస్‌లో ఉన్నారు.
సినిమాకు సంబందించిన పనులను వారం ముందే ఫినిష్ చేసుకొని ఫ్యామిలీ లైఫ్‌ను ఎంజాయ్ చేయడానికి విదేశాలకు వెళ్లారు. ఇటీవలే తిరిగొచ్చారు. వచ్చీరాగానే పెళ్లి రోజుకు శుభాకాంక్షలు తెలిపిన ప్రతి ఒక్కరికి సమంత కృతజ్ఞతలు తెలిపింది.
ఇకపోతే.. కెరీర్ పరంగా సమంత, నాగచైతన్య కలిసి పెళ్లికి తర్వాత ఓ చిత్రంలో కలిసి నటించనున్నారు. నిన్ను కోరి చిత్రం దర్శకుడు శివ నిర్వాణ ఆ చిత్రానికి దర్శకుడిగా వ్యవహరిస్తారు. ఇంకా పేరుపెట్టని చిత్రం త్వరలోనే సెట్స్‌పైకి వెళ్లనుంది.
