మెగాస్టార్ చిరంజీవి - కొరటాల శివ దర్శకత్వంలో ఓ మూవీ తెరకెక్కనుంది. చిరంజీవి 152వ చిత్రంగా తెరకెక్కె ఈ చిత్రం నేటి సామాజిక అంశాన్ని స్పృశిస్తూ తీస్తున్నట్టు ఫిల్మ్ నగర్ వర్గాల సమాచారం. ఈ పరిస్థితుల్లో ఈ సినిమాకు సంబంధించిన కథ ఇదేనంటూ సోష‌ల్ మీడియాలో వార్తొక‌టి హ‌ల్ చ‌ల్ చేస్తుంది.
వివ‌రాల ప్ర‌కారం దేవాల‌యాల ఆస్తుల‌ను కాజేయ‌డం, భూముల‌ను ఆక్ర‌మించుకోవ‌డం చేస్తార‌ట. ఆ అక్ర‌మార్కుల‌ను ప‌ని ప‌ట్టే ఆల‌య అధికారి పాత్ర‌లో చిరంజీవి క‌న‌ప‌డ‌తార‌ని అంటున్నారు. ఇందులో చిరంజీవి రెండు షేడ్స్ ఉన్న పాత్ర‌ను పోషిస్తార‌ని కూడా అంటున్నారు.
స్వాతంత్ర్య సమరయోధుడు ఉయ్యాలవాడ నరసింహారెడ్డి చరిత్ర ఆధారంగా తీసిన 'సైరా' సినిమాను చూడాలని ముఖ్యమంత్రి జగన్మోహన్‌రెడ్డిని చిరంజీవి కోరారు. సోమవారం తాడేపల్లిలోని సీఎం క్యాంపు కార్యాలయంలో చిరంజీవి దంపతులు ముఖ్యమంత్రిని కలిశారు. హైదరాబాద్‌ నుంచి ట్రూజెట్‌ విమానంలో గన్నవరం విమానాశ్రయం చేరుకున్న చిరంజీవి దంపతులు.. అక్కడి నుంచి నేరుగా విజయవాడలోని సోదరుడు పవన్‌ కల్యాణ్‌ ఇంటికి వెళ్లారు.
రైతు భరోసాపై సీఎం జగన్ సమీక్ష పూర్తయినట్టు వర్తమానం రాగానే.. అక్కడి నుంచి బయల్దేరి సీఎం క్యాంపు కార్యాలయానికి చేరుకున్నారు. జగన్ దంపతులు చిరంజీవి, సురేఖను సాదరంగా ఆహ్వానించారు. ఈ సందర్భంగా చిరంజీవి సీఎంకు పుష్పగుచ్ఛం ఇచ్చి శాలువాతో సత్కరించారు. జగన్ భార్య భారతికి సురేఖ చీరను బహూకరించారు. తాను హీరోగా నటించిన చిత్రం 'సైరా నరసింహారెడ్డి' గురించి చిరంజీవి జగన్‌కు వివరించారు. ఈ సినిమాను తప్పకుండా చూడాలని కోరారు. దీనిపై జగన్ కూడా సానుకూలంగా స్పందించారు.
