అగ్ర హీరో సినిమాల‌కు ప్రోగ్రెస్ అనేది ఒకేసారి విడుద‌ల చేస్తుంటారు. కానీ సోష‌ల్‌మీడియా వ‌చ్చాక ఏదోర‌కంగా సినిమా షూటింగ్‌కు సంబంధించిన ఒక్కోటి లీక్ అవుతూనే వుంటుంది. సినిమా రిలీజ్ ముందు ఎడిటింగ్‌లో వుండ‌గా, కొన్ని సీన్లు బ‌య‌ట‌కు వ‌చ్చేయ‌డం జ‌రిగేది. ఇప్పుడు షూటింగ్ విష‌యాలు కూడా బ‌య‌ట‌కు వ‌స్తున్నాయి. ఇటీవ‌లే మ‌హేష్‌బాబు న‌టిస్తున్న సర్కారువారి పాట కు సంబంధించి షూటింగ్ దుబాయ్‌లో జ‌రుగుతుండ‌గా కొంతమంది అభిమానులు ఆ లొకేష‌న్‌, బేంక్ బిల్డింగ్‌లు కూడా బ‌య‌ట‌కు వ‌చ్చేశాయి.
ఆ త‌ర్వాత మ‌హేష్‌బాబే స్వ‌యంగా దుబాయ్ ఎడారిలో ఇక్క‌డున్నామంటూ ఫొటోలు పోస్ట్ చేశాడు. అక్క‌డ త‌న కుటుంబ స‌భ్యులుకూడు వున్న ఫొటోలు పెట్టారు. అయితే ఇప్పుడు మ‌హేస్ ఫైట్స్ చేసే స‌న్నివేశాల స్టిల్స్ బ‌య‌ట‌కు వ‌చ్చాయి. ఎడారి ఎండ‌లో ఫైట్స్ చేస్తున్నాడు మహేష్. ఛేజింగ్ జరుగుతోంది. మరోవైపు పై నుంచి హెలికాప్టర్లు దూసుకుపోతున్నాయి. ఈ సినిమాకు సంబంధించి ఇలా రకరకాల వీడియోలు, ఫొటోలు సోషల్ మీడియాలో ప్రత్యక్షమౌతున్నాయి.
బ‌హుశా చిన్న‌వీడియోలు లీక్‌కావ‌డంతో ఇది కావాల‌నే క్రేజ్ కోస‌మే యూనిట్ చేస్తుందా! అనే అనుమానం కూడా క‌లుగుతుంది. ఎందుకంటే ఏదైనా లీక్ అయిన వెంటనే ఫ్యాన్స్ అలెర్ట్ అవుతారు. సదరు ఫొటోలు లేదా వీడియోస్ ను వైరల్ చేయొద్దంటూ రిక్వెస్ట్ పోస్టులు పెడుతుంటారు. అటు యూనిట్ తరఫున డిజిటల్ టీమ్ కూడా రంగంలోకి దిగి వెంటనే వాటిని డిలీట్ చేసే కార్యక్రమం చేపడుతుంది. కానీ సర్కారువారి పాట విషయంలో మాత్రం రివర్స్ లో జరుగుతోంది. అందుకే మూవీ ప్ర‌మోష‌న్‌లో భాగంగా ఇదొక ఎత్తుగ‌డ అన్న‌ట్లుగా అనిపిస్తోంది.
