టాలీవుడ్ ప్రిన్స్, సూపర్ స్టార్ మహేష్ బాబు నటించిన ''మహర్షి'' చిత్రం కలెక్షన్ల వర్షం కురిపించింది. సందేశాత్మకంగా వేసవిలో ప్రేక్షకుల ముందుకు వచ్చిన ఈ సినిమా బంపర్ హిట్ అయ్యింది. తద్వారా మహర్షి చిత్రం మహేష్ కెరీర్‌లో హైయెస్ట్ గ్రాసర్‌గా నిలిచింది. వంశీ పైడిపల్లి తెరకెక్కించిన ఈ చిత్రంలో మహేష్ సరసన పూజా హెగ్డే హీరోయిన్‌గా నటించింది. అల్లరి నరేష్ కీలక పాత్రలో కనిపించాడు.
ఇటీవలే ఈ సినిమా వంద రోజులను పూర్తి చేసుకుంది. ఈ సందర్భంగా మహర్షి సినిమా యూనిట్ అభిమానులకు సర్‌ప్రైజ్ ఇచ్చింది. మహర్షి చిత్రంలోని డీలిటెడ్ సన్నివేశాన్ని విడుదల చేశారు. ఈ సన్నివేశం ఆసక్తికరంగా ఉంది. నటుడు కమల్ కామరాజు ఈ చిత్రంలో నెగిటివ్ రోల్ లో నటించాడు. మహేష్, పూజా హెగ్డే వెళుతుండగా కమల్ కావాలనే కాలు అడ్డుపెడతాడు.
దీనితో మహేష్ బాబు పూజాని క్లాస్‌కి పంపించి అతడితో మాట్లాడడానికి కూర్చుంటాడు. రెండు ప్రాబ్లమ్స్ సాల్వ్ చేసి, అమ్మాయితో తిరగ్గానే హీరో అనుకుంటున్నావా? అని మహేష్‌ని ప్రశ్నిస్తాడు. 'హీరో అనుకోవడం ఏంటి.. హీరోనే కదా' అని మహేష్ బదులిస్తాడు. ఆ తర్వాత వీరిద్దరి మధ్య చిన్న ఫైట్ సన్నివేశం చోటుచేసుకుంటుంది. ఈ సీన్‌ను చూసిన మహేష్ ఫ్యాన్స్ పండగ చేసుకుంటున్నాడు. ఈ సన్నివేశాన్ని మీరూ ఓ లుక్కేయండి.
