హాస్యబ్రహ్మ బ్రహ్మానందకు లలిత కళా పురస్కారం
హాస్యబ్రహ్మ బ్రహ్మానందకు లలిత కళా పురస్కారం లభించింది. హైదరాబాద్ రవీంద్రభారతిలో జరిగిన ప్రఖ్య ఆర్ట్స్ 18వ వార్షికోత్సవ వేడుకలో బ్రహ్మానందానికి లలిత కళా పురస్కారాన్ని అందజేశారు సీనియర్ నటీ జమున, ఎన్టీఆ
హాస్యబ్రహ్మ బ్రహ్మానందకు లలిత కళా పురస్కారం లభించింది. హైదరాబాద్ రవీంద్రభారతిలో జరిగిన ప్రఖ్య ఆర్ట్స్ 18వ వార్షికోత్సవ వేడుకలో బ్రహ్మానందానికి లలిత కళా పురస్కారాన్ని అందజేశారు సీనియర్ నటీ జమున, ఎన్టీఆర్ విజ్ఞాన్ ట్రస్ట్ వ్యవస్థాపకురాలు లక్ష్మీపార్వతి.
ఈ సందర్భంగా బ్రహ్మానందం మాట్లాడుతూ.. అందరినీ నవ్వించడంలోనే తనకు ఆనందం ఉందన్నారు. ఇన్నేళ్లుగా అభిమానులు తనను ఆదరిస్తున్నందుకు ఎంతో రుణపడి ఉంటానన్నారు.
హాస్య నట బ్రహ్మ అవార్డును ఈ ఏడాది మార్చి నెలలో టీఎస్‌ఆర్‌ కాకతీయ లలిత కళాపరిషత్‌ చేతుల మీదుగా అందుకున్న హాస్యబ్రహ్మ.. తాజాగా లలిత కళా పురస్కారాన్ని కూడా అందుకున్నారు. కాగా బ్రహ్మానందం ఫిబ్రవరి 1, 1956 సంవత్సరంలో గుంటూరు జిల్లా, సత్తెనపల్లి తాలూకా ముప్పాళ్ల మండలం చాగంటివారిపాలెం గ్రామంలో జన్మించారు.
సత్తెనపల్లి శరభయ్య హైస్కూలులో విద్యార్థిగా చేరి పాఠాలు నేర్చాడు. తండ్రి కన్నెగంటి నాగలింగాచారి సన్నిహితులైన సున్నం ఆంజనేయులు ప్రోద్బలంతో భీమవరం డి.ఎన్.ఆర్. కాలేజీలో ఇంటర్మీడియట్, డిగ్రీ పూర్తి చేశారు. గుంటూరు పీజీ సెంటర్లో తెలుగు సాహిత్యంలో ఎమ్మే పట్టం పుచ్చుకున్నారు. బ్రహ్మానందం అత్తిలిలో తొమ్మిది సంవత్సరాలు లెక్చరర్‌గా పనిచేశాక సినీరంగంలోకి అడుగుపెట్టిన సంగతి తెలిసిందే.
