మహేష్ బాబు సరసన "నేనొక్కడినే" సినిమాలో హీరోయిన్‌గా నటించిన కృతి సనన్ బాలీవుడ్‌‌లో తాజాగా కార్తిక్‌ ఆర్యన్ హీరోగా కలిసి ‘లుకా చుప్పి’ సినిమా విజయం సాధించింది. సహజీవనం ఆధారంగా తెరకెక్కిన ఈ సినిమా విజయం క్రెడిట్ పూర్తిగా హీరో కార్తిక్‌కి మాత్రమే దక్కుతోందని అసంతృప్తి వ్యక్తం చేసారు కృతి.
ఓ ఇంటర్వ్యూలో మాట్లాడుతూ... ‘ప్రస్తుత కాలంలో హీరోయిన్లకు కూడా గుర్తింపు వస్తోంది. అలాంటప్పుడు ‘లుకా చుప్పి’ కేవలం కార్తిక్‌ వల్లే హిట్ అయిందని చెప్పడం సరి కాదు. ఒకవేళ సినిమాలో హీరోయిన్ పాత్రకు అంతగా ప్రాధాన్యం లేకుండా, మొత్తం హీరో చుట్టూనే తిరుగుతుంటే ఫరవాలేదు, గానీ సినిమా మొత్తం హీరోహీరోయిన్లు సమానంగా నడిపించినప్పుడు క్రెడిట్ కూడా ఇద్దరికీ సమానంగా దక్కాలి.
రెమ్యునరేషన్ విషయానికొస్తే.. నాకు డబ్బు ముఖ్యమే, కానీ సినిమా ఒప్పుకోవాలంటే అదే ప్రధానం కాదు. గతంలో హీరో కంటే హీరోయిన్లకే ఎక్కువ పారితోషికాలు ఇచ్చిన రోజులు ఉన్నాయి’ అంటూ గుర్తు చేశారు కృతి సనన్.
