అమెరికాలో మెగాస్టార్ 'ఖైదీ నం.150' హంగామా.. హాట్ కేకుల్లా డిస్ట్రిబ్యూషన్ రైట్స్
అమెరికాలో మెగాస్టార్ చిరంజీవి తాజా చిత్రం 'ఖైదీ నం.150' హంగామా చేస్తోంది. సంక్రాంతికి ప్రేక్షకుల ముందుకు వచ్చే ఈ చిత్రం యుఎస్ డిస్ట్రిబ్యూషన్ రైట్స్ హాట్ కేకుల్లా అమ్ముడుపోయాయి. దాదాపు 9 యేళ్ల తర్వాత
అమెరికాలో మెగాస్టార్ చిరంజీవి తాజా చిత్రం 'ఖైదీ నం.150' హంగామా చేస్తోంది. సంక్రాంతికి ప్రేక్షకుల ముందుకు వచ్చే ఈ చిత్రం యుఎస్ డిస్ట్రిబ్యూషన్ రైట్స్ హాట్ కేకుల్లా అమ్ముడుపోయాయి. దాదాపు 9 యేళ్ల తర్వాత రీ-ఎంట్రీ ఇస్తున్న మెగాస్టార్ చిత్రంపై భారీ అంచనాలు నెలకొన్నాయి. దానికి తగ్గట్టుగానే అన్నీ ఏరియాల డిస్ట్రూబ్యూషన్ రైట్స్ హాట్ కెకుల్లా అమ్ముడుపోయాయి. నిజానికి తెలుగు రాష్ట్రాల్లో ఈ చిత్రం హంగామా ఇప్పటికే ఆరంభమైన విషయం తెల్సిందే.
పట్టణాలు - పల్లెల్లోనూ మెగా ఖైదీ బ్యానర్లు, పోస్టర్లు వెలిశాయి. ఇప్పుడు యుఎస్‌లోనూ మెగా ఖైదీ హంగామా మొదలైంది. యుఎస్‌లో మెగా ఖైదీ కోసం 200 థియేటర్స్ బుక్కయ్యాయి. ఈ సంఖ్య ఇంకా పెరగవచ్చని చెబుతున్నారు. మెగా ఖైదీ ఓవర్సీస్ రైట్స్ సొంతం చేసుకొన్న క్లాసిక్ సినిమా సంస్థ మెగా ఖైదీని గ్రాండ్‌గా రిలీజ్ చేసేందుకు ప్లాన్ చేస్తోంది.
ఈ చిత్రంలో చిరంజీవి సరసన కాజల్ అగర్వాల్ నటిస్తుండగా, లక్ష్మీరాయ్ ఒక ఐటమ్ సాంగ్‌లో నర్తిస్తోంది. వివి వినాయక్ దర్శకత్వం వహించిన ఈ చిత్రానికి హీరో రామ్ చరణ్ తేజ్ నిర్మాత. ఈ చిత్రం ప్రీరిలీజ్ వేడుక ఈనెల 7వ తేదీన గుంటూరు జిల్లాలో జరుగనుంది.
