యష్ హీరోగా ప్రశాంత్ నీల్ దర్శకత్వంలో తెరకెక్కిన కేజీఎఫ్.. బంపర్ హిట్ అయిన సంగతి తెలిసిందే. ఈ సినిమా కన్నడతో పాటు తెలుగు, తమిళ, హిందీ భాషల్లోనూ ఘనవిజయమం సాధించింది. దీంతో ఈ సినిమా హీరో యష్ ఒక్కసారిగా జాతీయ స్థాయిలో గుర్తింపు తెచ్చుకున్నాడు. ప్రస్తుతం ఈ సినిమా సీక్వెల్‌ రానుంది. ఇప్పటికే కేజీఎఫ్ 2 చిత్రీకరణ చాలావరకు పూర్తయ్యింది.
భారీగా తెరకెక్కుతున్న ఈ సినిమాలో విలన్‌ బాలీవుడ్ సీనియర్‌ నటుడు సంజయ్‌ దత్‌ నటిస్తున్నాడు. మరో కీలక పాత్రలో బాలీవుడ్ సీనియర్‌ హీరోయిన్‌ రవీనా టండన్ నటిస్తోంది. తెలుగు నుంచి విలక్షణ నటుడు రావు రమేష్ కీలక పాత్రలో నటిస్తున్నాడు. ఈ నేపథ్యంలో నటుడు యష్ తాజాగా కన్నడ చిత్ర పరిశ్రమ అభివృద్ధి కోసం కర్ణాటక ముఖ్యమంత్రి యడ్యూరప్పకు ఓ విన్నపం చేశాడు.
అయితే నిర్మాణానికి కావలసిన సాంకేతిక స్టూడియోలు మాత్రం ఇంకా అక్కడి వారికి అందుబాటులో లేవని.. అందుకే కర్ణాటకలోనే ఓ స్టూడియో ఏర్పాటుకు ప్రభుత్వం సహకరించాలని హీరో యష్ ప్రభుత్వాన్ని కోరాడు.
