తాను కాలిఫోర్నియాలో పండంటి బిడ్డకు జన్మనిచ్చానంటూ సోషల్ మీడియాలో వచ్చిన వార్తను చూసి ఎంతో కుంగిపోయానని కన్నడ నటి నేహా గౌడ వాపోయింది. ఒకరి గురించి వార్త రాసేముందు.. ఆ వార్తకు సంబంధించి నిర్ధారణ చేసుకోవడం మంచిదన్నారు.
బిగ్ బాస్ కన్నడ-3 ఫేమ్, కన్నడ నటి నేహ గౌడ అమెరికాలోని కాలిఫోర్నియాలో ఓ పండంటి బిడ్డకు జన్మనిచ్చిందనే వార్తలు మీడియాలో చక్కర్లు కొడుతున్నాయి. ఈ వార్తలపై ఆమె మండిపడ్డారు. తనపై ఇలాంటి అసత్యపు వార్తలు రావడం దురదృష్టకరమన్నారు.
ఈ వార్తలతో తాను కృంగిపోయానని చెప్పుకొచ్చింది.ఇలాంటి వార్తలు రాసేవారు ఏం సాధిస్తారో తనకు అర్థం కావడం లేదని వాపోయింది. ఇలాంటి అసత్యపు వార్తలు రాసేవారు ఏదో ఒక రోజు మనోవేదనకు గురవుతారన్నారు.
ఓ వార్త రాసేటప్పుడు ఎవరి గురించి రాస్తున్నారో వారిని ఒకసారి అడిగితే బాగుంటుందని నేహ గౌడ అన్నారు. తన గురించి వార్త రాసేటప్పుడు తననో, తన కుటుంబసభ్యులనో అడిగితే బాగుండేదని చెప్పారు.
ఇలాంటి వార్తలు రాసేముందు మీకు కూడా ఓ అమ్మ, ఓ అక్క, ఓ స్నేహితురాలు ఉంటుందనే విషయాన్ని గుర్తు పెట్టుకోవాలని అన్నారు. కాగా, ఈమె అటు కన్నడంతో పాటు.. తెలుగు, తమిళం, మలయాళ భాషల్లో పలు చిత్రాల్లో నటించింది.
