తమిళ సూపర్ స్టార్ రజనీకాంత్ నటించిన 'జైలర్'లోని 'కావాలా' పాట ప్రపంచ ప్రేక్షకులను ఆకట్టుకుంటోంది. నటి తమన్నా డ్యాన్సుకు ఫ్యాన్స్ ఫిదా అవుతున్నారు. ఇంకా సోషల్ మీడియా పుణ్యంతో ఆ పాటకు స్టెప్పులేసి అప్ లోడ్ చేసేస్తున్నారు. ఈ పాటలోని హుక్ స్టెప్ ఇప్పటికే సోషల్ మీడియాలో ట్రెండ్ అవుతోంది.
ప్రస్తుతం భారతదేశంలోని జపాన్ రాయబారి కూడా వైరల్ ట్రెండ్‌లోకి అడుగుపెట్టారు. సూపర్ స్టార్ రజనీకాంత్‌పై జైలర్ కావాలా పాటకు స్టెప్పులేశారు. ఈ డ్యాన్స్ కోసం, హిరోషి సుజుకి జపనీస్ యూట్యూబర్ మాయో సాన్‌తో కలిసి పనిచేశారు.
ట్రెండింగ్‌లో ఉన్న పాట డ్యాన్స్ స్టెప్స్‌ను వీరిద్దరూ విజయవంతంగా రీక్రియేట్ చేసారు. హుక్ స్టెప్ వేశారు. ఈ వీడియో జపాన్ రాయబారి ట్విట్టర్ హ్యాండిల్‌లో షేర్ చేయబడింది. ''జపనీస్ యూట్యూబర్ మాయో సాన్‌తో కావాలా డ్యాన్స్ వీడియో రజనీకాంత్‌పై నా ప్రేమకు అద్దం పడుతుంది'' అని క్యాప్షన్ ఇచ్చారు. ఈ వీడియో ప్రస్తుతం నెట్టింటిని షేక్ చేస్తోంది.
