దివంగత నటి అతిలోక సుందరి శ్రీదేవి తనయ జాన్వీ కపూర్ తాజాగా నటించిన చిత్రం గుడ్ లక్ జెర్రీ. లేడీ సూపర్‌ స్టార్‌ నయనతార నటించిన కోలమావు కోకిలకు ఈ సినిమాకు రీమేక్‌గా వస్తోంది.
జూలై 29న ఈ మూవీ డిస్నీ ప్లస్‌ హాట్‌స్టార్‌లో రిలీజ్‌ అయ్యిన ఈ చిత్ర పాజిటివ్‌ టాక్‌ను తెచ్చుకుంటుంది. ఇందులో జాన్వీ నటనకు ఆడియన్స్‌ నుంచి మాత్రమే కాదు సినీ ప్రముఖుల నుంచి సైతం ప్రశంసలు అందుతున్నాయి.
ఈ నేపథ్యంలో ప్రమోషన్‌లో భాగంగా ఇటీవల జాన్వీ ఓ ఇంటర్వ్యూ సందర్భంగా లేడీ సూపర్‌ స్టార్‌ నయనతార తనపై ప్రశంసలు కురిపించిందంటూ హర్షం వ్యక్త చేసింది.
గుడ్ లుక్‌ జెర్రీ ట్రైలర్‌పై నయనతార సానుకూలంగా స్పందించారని జాన్వీ తెలిపింది. ఆమె తన నటనను ప్రశంసించారని చదివా. దీంతో తనకి థ్యాంక్స్‌ చెప్పాలని నంబర్ తెలుసుకుని మెసేజ్ చేశాను. తన మెసేజ్‌కి వెంటనే ఆమె ఇలా రిప్లై ఇచ్చారు.
'కెరీర్ ప్రారంభంలోనే నటనకు ప్రాధాన్యం ఉన్న పాత్ర పోషించినందుకు గర్వపడుతున్నా. కోకిల నా మనసుకు చాలా దగ్గరైన పాత్ర. గుడ్ లక్ జెర్రీ ట్రైలర్ నాకు బాగా నచ్చింది. ప్రేక్షకులకు పూర్తి వినోదాన్ని అందించావు. గుడ్ లక్ జాన్వీ' అంటూ మెసేజ్ చేశారు'' అని చెప్పుకొచ్చింది.
ఇక ఆ తర్వాత 'ఏకంగా లేడీ సూపర్‌ స్టార్‌ నన్ను ప్రశంసించడం మంచి అనుభూతిని ఇస్తుంది. తన ప్రశంస తనకు చాలా ప్రత్యేకం' అంటూ తెగ సంబరపడిపోయింది జాన్వీ.
