'దంగల్' సినిమాలో తన నటనతో మెప్పించిన బాలీవుడ్ నటి ఫాతిమా సనా షేక్ మరోసారి తనకు ఎదురైన #మీటూ అనుభవాలు, లైంగిక వేధింపుల గురించి నోరువిప్పారు. తనకు కూడా బాలీవుడ్‌లో గుర్తింపు తెచ్చుకోక ముందు లైంగిక వేధింపులు ఎదురైనట్లు తెలిపారు.
ఇటీవల ఓ ఆంగ్లపత్రిక ఇంటర్వ్యూలో ఆమె మాట్లాడుతూ... లైంగిక వేధింపుల సమస్య కేవలం సినిమా ఇండస్ట్రీలో, అది కూడా బాలీవుడ్‌లో లేదని, అన్ని రంగాల్లో ఇలాంటి సంఘటనలు మహిళలకు జరుగుతూనే ఉన్నాయని తెలిపారు. #మీటూ ఉద్యమం కేవలం బాలీవుడ్ పరిశ్రమకు చెందినదే అని అందరూ త
ప్పుగా అర్థం చేసుకుంటున్నారు.
అంతేకాకుండా ‘‘చాలా మంది అనుకుంటున్నట్లు #మీటూ సమస్య ఎన్నో సంవత్సరాల నుంచి ఉంది. నేను దాని గురించి ఎందుకు మాట్లాడకపోవడం అందరికీ ఆశ్చర్యం కలిగించింది. మన దేశంలో ప్రతి మహిళ ఏదో ఒక సందర్భంలో ఇలాంటి సమస్య ఎదుర్కొనే ఉంటారు. వారంతా ఆ విషయాలను పబ్లిక్‌గా వచ్చి మాట్లాడతారని నేననుకోవడం లేదు.
ఎందుకంటే ఇది వారి వ్యక్తిగత విషయం'' అని ఫాతిమా సనా షేక్ తెలిపారు. అయితే గతంలో కూడా పలుమార్లు తనకు లైంగిక వేధింపులు ఎదురైనట్లు తెలిపిన ఫాతిమా, ఆ వివరాల, సదరు వ్యక్తుల పేర్లు పంచుకోవడానికి ఇష్టపడలేదు. ఇది తన వ్యక్తిగత విషయమని పేర్కొన్నారు.
