మూవీ ఆర్టిస్ట్స్ అసోసియేషన్ ఎన్నిక‌ల్లో ప్ర‌ధాన అంశం. స్వంత కార్యాల‌యం. దానికోసం చ‌ర్చ జ‌రుగుతోంది. అందుకే `మా` ఎన్నిక‌ల్లో పోటీచేయ‌నున్న మంచు విష్ణు అవ‌స‌ర‌మైతే తమ కుటుంబ‌మే దీనిని బాధ్య‌త‌గా తీసుకుంటుంద‌ని వెల్ల‌డించారు. చెప్పిన‌ట్లే శ‌నివారంనాడు మంచు విష్ణు ఓ వీడియో షేర్ చేశారు. అందులో తాను మూడు స్థ‌లాల‌ను చూసిన‌ట్లు చెప్పారు.
ఒక వీడియోని సోషల్ మీడియా ద్వారా తన మా కుటుంబానితో పంచుకున్నాడు. తమ `మా` కుటుంబం కోసం మూడు స్థలాలు చూశానని తమ కల కోసం ఈ స్థలాల్లో ఒకటి మనం కూర్చుని ఫిక్స్ చేద్దామని అందుకే తాను ఈ వీడియో చేస్తున్నట్టుగా క్లారిటీ ఇచ్చాడు. ఇదిలా వుండ‌గా, మంచువిష్ణు ఓ సినిమా చేస్తున్నాడు. శ్రీను వైట్ల దర్శకత్వంలో `ఢీ డబుల్ డోస్` చిత్రంలో నటిస్తున్నాడు.కాగా, అస‌లు `మా`కు స్వంత భ‌వ‌నం అవ‌స‌రంలేద‌ని బండ్ల గ‌ణేష్‌, కావాల‌ని నాగ‌బాబు వ్యాఖ్యానించారు. మ‌రి ఈ స‌మ‌స్య ఏమేర‌కు ప‌రిష్కారం అవుతుందో చూడాలి.
