అరవై ఏళ్ల వయసులో బిగ్ బాస్ షోలో ఎంట్రీ ఇచ్చి సంచలనం సృష్టించింది గంగవ్వ. బిగ్ బాస్ అనగానే ఇప్పుడు అందరూ గంగవ్వ పేరే చెబుతున్నారు. అంతలా.. అందర్నీ ఆకట్టుకుంది. ఎప్పుడైతే... గంగవ్వ బిగ్ బాస్ షోలో పాల్గొంటుందని తెలిసిందో అప్పటి నుంచి గంగవ్వ గెలవాలి అని అందరూ మనస్పూర్తిగా కోరుకున్నారు.
సోషల్ మీడియాలో ప్రచారం మొదలెట్టారు. ఆమెకు లభించిన ఆదరణ చూస్తే... ఈసారి బిగ్ బాస్ టైటిల్ గంగవ్వ గెలుచుకుంటుంది అనుకున్నారు. అయితే.. ఊహించని విధంగా ఆమెకు ఆరోగ్య సమస్యలు రావడం... అక్కడ ఉన్న వారితో అంతగా కలవలేకపోవడంతో ఇంటికి పంపించేయండి అంటూ తన ఆవేదనను వ్యక్తం చేసింది.
గంగవ్వ పరిస్థితిని చూసిన వీక్షకులు కూడా ఆమెను ఇంటికి పంపిచేయడమే బెటర్ అనుకున్నారు. అంతలా.. ఆమె ఆరోగ్య పరిస్థితి ఉంది. గంగవ్వ పరిస్థితిని అర్ధం చేసుకున్న బిగ్ బాస్ ఆమెను హౌస్ నుంచి ఇంటికి పంపించేసారు. అయితే... ఈ వార్త తెలిసినప్పటి నుంచి ఆమె ఆరోగ్యం గురించి చాలా మందిలో కాస్త టెన్షన్ స్టార్ట్ అయ్యింది.
అయితే.. అంతలా టెన్షన్ పడాల్సింది ఏమీ లేదని తెలిసింది. గంగవ్వ ఆరోగ్యంగానే ఉన్నారు. వారం రోజులు రెస్ట్ తీసుకుంటే సరిపోతుందని డాక్టర్లు చెప్పారు.
గంగవ్వ గురించి నాగార్జున మాట్లాడుతూ... గంగవ్వా... నువ్వు ఏదైతే ఆశించి బిగ్ బాస్ హౌస్‌లోకి వచ్చావో ఆ కోరిక తీరుస్తా అన్నారు. ఆమె కోరిక ఏంటంటారా..? ఇల్లు. నాగార్జున ఆమెకు ఇల్లు కట్టిస్తానని చెప్పారు. హ్యాపీగా ఇంటికి వెళ్లాలని అన్నారు. అదీ.. సంగతి..!
