మాజీ ప్రధాన మంత్రి హెచ్‌డీ దేవ‌గౌడ మనవడు, కర్ణాటక మాజీ ముఖ్యమంత్రి కుమారస్వామి తనయుడు నిఖిల్ కుమార్ హీరోగా న‌టిస్తున్న చిత్రం `రైడర్`. ‘గుండెజారి గల్లంతయ్యిందే’, ‘ఒక లైలా కోసం’, ‘ఒరేయ్ బుజ్జిగా’ చిత్రాలను తెరకెక్కించిన దర్శకుడు విజయ్ కుమార్ కొండా ద‌ర్శ‌క‌త్వంలో రూపొందుతోన్న చిత్రమిది.
- కాశ్మీరా ప‌ర‌దేశి హీరోయిన్‌గా న‌టిస్తోన్న ఈ చిత్రాన్ని చంద్ర మనోహరన్ నిర్మిస్తున్నారు. ల‌హ‌రి మ్యూజిక్ సంస్థ ఈ చిత్రంతో నిర్మాణ‌రంగంలోకి అడుగుపెట్టింది. అర్జున్ జన్య సంగీతం సమకూరుస్తున్నారు. శ్రీషా కుడువల్లి సినిమాటోగ్రాఫ‌ర్‌.
- ఇప్ప‌టికే విడుద‌లైన రైడర్ మోష‌న్‌పోస్ట‌ర్ కి ట్రెమండ‌స్ రెస్పాన్స్ వ‌చ్చింది. కాగా ఈ రోజునుండి రైడర్ మూవీ చిత్రీక‌ర‌ణ ప్రారంభ‌మైంది. ఈ విష‌యాన్ని తెలియ‌జేస్తూ ఒక వీడియోను విడుద‌ల‌చేసింది చిత్ర‌యూనిట్‌.
- తెలుగు, కన్నడ భాష‌ల‌లో రూపొందుతున్న ఈ చిత్రంలో ద‌త్త‌న్న, అచ్యుత కుమార్, రాజేష్ న‌ట‌రంగ, శోభ‌రాజ్ ముఖ్య పాత్ర‌ల్లో న‌టిస్తున్నారు.
తారాగ‌ణం:
యువ‌రాజ నిఖిల్ కుమార్, కాశ్మీరా ప‌ర‌దేశి, ద‌త్త‌న్న, అచ్యుత కుమార్, రాజేష్ న‌ట‌రంగ, శోభ‌రాజ్, చిక్క‌న్న, శివ‌రాజ్ కేఆర్, నిహారిక, సంప‌ద, అనూష
సాంకేతిక వ‌ర్గం: నిర్మాత - చంద్రు మ‌నోహ‌ర‌ణ్, సంగీతం - అర్జున్ జన్య, సినిమాటోగ్ర‌ఫి - శ్రీషా కుడువల్లి, స్టంట్ డైరెక్ట‌ర్ - డా. ర‌వి వ‌ర్మ, ఆర్ట్‌- మోహ‌న్ బి కేరే, ఎడిట‌ర్ - కేఎం ప్ర‌కాశ్‌, ర‌చియ‌త‌లుః నంధ్యాల ర‌వి, విజయ్ ప్ర‌కాశ్‌
