గురుగా వస్తోన్న విక్టరీ వెంకటెేష్.. ట్రైలర్ రిలీజ్.. బాక్సింగ్ నేర్చుకోవాలంటే వుండండి.. లేదా దొబ్బేయండి..
విక్టరీ వెంకటేష్ చాలా గ్యాప్ తర్వాత గురుగా ప్రేక్షకుల ముందుకు వస్తున్న సంగతి తెలిసిందే. విక్ట‌రి వెంకటేష్, న‌య‌న‌తార, మారుతి కాంబోలో వచ్చిన 'బాబు బంగారం' సినిమా ఆశించిన స్థాయిలో కలెక్షన్లు ఇవ్వకపోవడ
విక్టరీ వెంకటేష్ చాలా గ్యాప్ తర్వాత గురుగా ప్రేక్షకుల ముందుకు వస్తున్న సంగతి తెలిసిందే. విక్ట‌రి వెంకటేష్, న‌య‌న‌తార, మారుతి కాంబోలో వచ్చిన 'బాబు బంగారం' సినిమా ఆశించిన స్థాయిలో కలెక్షన్లు ఇవ్వకపోవడంతో.. వెంకీ వెరైటీ రోల్‌లో కనిపించేందుకు రెడీ అయిపోయాడు.
ఈ క్రమంలో విక్టరీ వెంకటేష్- రితికాసింగ్‌తో జంటగా గురు సినిమాలో నటిస్తున్నాడు. ఈ సినిమా బాలీవుడ్‌లో హిట్టయిన 'సాలా ఖద్దూస్'కి ఇది రీమేక్. సుధా కొంగర డైరెక్ట్ చేసిన ఈ చిత్రాన్ని శశికాంత్ నిర్మించాడు.
ఈ సినిమాకు సంబంధించిన ఫస్ట్ లుక్ ఎప్పుడో రిలీజ్ అయినప్పటికీ.. తాజాగా నిమిషమున్నర నిడివిగల ట్రైలర్‌ని యూనిట్ రిలీజ్ చేసింది. ఈ ట్రైలర్‌ను చూసిన వెంకీ ఫ్యాన్స్ పండగ చేసుకుంటున్నారు. ఇందులోని వెంకటేష్ డైలాగ్స్ ట్రెండ్‌కి దగ్గరగా వున్నాయి. బాక్సింగ్ నేర్చుకోవాలంటే వుండండి.. లేదా దొబ్బేయండి.. ఊరకుక్కని సింహాసనం మీద కూర్చోబెట్టినా, దాని దృష్టంతా ఎప్పుడూ పెంటమీదే వుంటుంది డైలాగ్ బాగుంది.
కోచ్ ఎలాగుండాలో గురుగా వెంకీ పక్కాగా సెట్టైపోయాడు. అన్నింటికిమించి మూవీలో బాక్సర్‌గా కనిపించడం కోసం వెంకటేష్ తీవ్రంగా శ్రమించాడనే విషయంలో ట్రైలర్‌లో చూస్తేనే అర్థమైపోతుంది. ఈ ట్రైలర్‌ను మీరూ ఓ లుక్కేయండి.
