సినిమా అంటేనే ఊహాజనితం.. నచ్చకపోతే చూడొద్దు : మద్రాసు హైకోర్టు

సాధారణంగా సినిమా అంటేనే ఊహాజనితమని నచ్చకపోతే చూడొద్దని మద్రాస్ హైకోర్టు స్పష్టం చేసింది. తమిళ హీరో విజయ్ నటించిన తాజా చిత్రం "మెర్సల్". ఈ చిత్రం ఇటీవల విడుదలై బాక్సాఫీస్ వద్ద కాసుల వర్షం కురిపిస్తోంది

సాధారణంగా సినిమా అంటేనే ఊహాజనితమని నచ్చకపోతే చూడొద్దని మద్రాస్ హైకోర్టు స్పష్టం చేసింది. తమిళ హీరో విజయ్ నటించిన తాజా చిత్రం "మెర్సల్". ఈ చిత్రం ఇటీవల విడుదలై బాక్సాఫీస్ వద్ద కాసుల వర్షం కురిపిస్తోంది. 

అయితే, ఈ చిత్రంలో కొన్ని అభ్యంతరకర డైలాగులు, సన్నివేశాలు ఉన్నాయి. వీటిపై తీవ్ర దుమారం చెలరేగింది. దీంతో ఈ చిత్ర ప్రదర్శనను నిలిపివేయాలని కోరుతూ మద్రాస్ హైకోర్టులో ఓ పిటీషన్ దాఖలైంది.

దీన్ని విచారించిన హైకోర్టు సంచలన తీర్పు వెలువరించింది. ఈ సినిమాపై దాఖలైన పిటీషన్‌ను హైకోర్ట్ కొట్టివేసింది. సినిమా అంటేనే ఊహాజనితమని.. నచ్చకపోతే చూడొద్దని పేర్కొంది. ఈ తీర్పు 'మెర్సెల్‌'కు కాస్త ఊరటనిచ్చింది.

కాగా, అట్లీ దర్శకత్వంలో విజయ్ హీరోగా నటించిన 'మెర్సల్' చిత్రంలో జీఎస్టీ, నోట్ల రద్దుతో పాటు వైద్యుల పట్ల వ్యతిరేకంగా కొన్ని డైలాగ్స్ ఉండటంతో బీజేపీకి ఆగ్రహాన్ని వ్యక్తం చేస్తున్న విషయం తెల్సిందే.