సినీ నటి ఆషాశైనీ లైంగిక వేధింపులకు గురైంది. ప్రముఖ నిర్మాత తనను మోసగించాడని.. 14 నెలల పాటు లైంగికంగా వేధించాడని.. తన ప్రైవేట్ భాగాలపై తన్నుతూ దారుణంగా హింసకు గురిచేశాడని ఆషాసైనీ వాపోయింది. ఈ మేరకు తీవ్ర ఆవేదనను వ్యక్తం చేసింది.
అంతేగాకుండా వీడియోను నెట్టింట పోస్టు చేసింది. అందులో తాను ఎంత నరక వేదనను అనుభవించిందో.. ఆ బాధకు కారణం ఏంటో తెలిపింది. తన ఫోన్ లాక్కున్నాడని.. ఎవరితోనూ మాట్లాడనివ్వలేదని.. సినిమాలకు దూరంగా పెట్టాడని ఆషా శైనీ తెలిపింది.
ఆ నరకం నుంచి తాను పారిపోయి బయటకు వచ్చానని.. ఆ నరకం నుంచి చిత్ర హింసల నుంచి కోలుకునేందుకు కొన్ని నెలలు పట్టిందని చెప్పుకొచ్చింది. ప్రస్తుతం తాను సంతోషంగా తల్లిదండ్రుల వద్ద వున్నానని చెప్పుకొచ్చింది. ఆ వీడియో నెట్టింట వైరల్ అవుతోంది.
కాగా బాలకృష్ణ నటించిన నరసింహనాయుడు చిత్రంలో నటించిన ఈ ముద్దుగుమ్మ లక్స్ పాప సాంగ్ తనకి విపరీతమైన క్రేజ్ తెచ్చుకుంది. విక్టరీ వెంకటేష్ నటించిన నువ్వు నాకు నచ్చావ్ సినిమాలో కనిపించింది.
