రోడ్డు ప్రమాదంలో సినీ విమర్శకుడు, బిగ్ బాస్ కంటిస్టెంట్ కత్తి మహేష్‌కు తీవ్ర గాయాలైనాయి. ఎప్పుడూ ఏదో ఒక వివాదాస్పద వ్యాఖ్యలతో వార్తల్లో నిలిచే కత్తి మహేష్ కారు ప్రమాదంలో తీవ్రంగా గాయపడ్డాడు. నెల్లూరులోని మెడికవర్ ఆసుపత్రిలో ప్రస్తుతం చికిత్స పొందుతున్నారు. ఈ యాక్సిడెంట్ నెల్లూరు జిల్లా కోడగాలూరు వద్ద హైవేపై వెళుతున్న లారీని వెనుకనుండి బలంగా ఢీ కొట్టడంతో కారు ముందు భాగం దారుణంగా డేమేజ్ అయ్యింది.
కారు వేగంగా లారీని డీకోట్టడంతో కత్తి మహేష్ తలకు తీవ్ర గాయాలయ్యాయి అయితే కత్తి మహేష్ సీట్ బెల్ట్ పెట్టుకోవడంతో కారులోని ఎయిర్ బెలూన్స్ ఓపెన్ అవ్వడంతో ప్రాణాపాయం నుండి బయటపడినట్లు తెలుస్తోంది.
ముందుగా చిన్న గాయలేనని అనుకున్నా పూర్తి స్థాయిలో వైద్యులు పరీక్షించిన తర్వాతా కళ్ళకు, ముక్కు, తలకు గాయాలైనట్లు నిర్ధారించారు. అయితే కత్తి మహేష్‌కి కంటి ఆపరేషన్ చెయ్యాల్సి ఉంది. ప్రస్తుతం డాక్టర్లు ఎలాంటి హెల్త్ బులిటెన్ విడుదల చేయకపోవడంతో ఆయనకు కొంచెం విషమంగానే ఉన్నట్లు తెలుస్తోంది. ఇక ఈ ఘటనపై సోషల్ మీడియాలో భిన్నాభిప్రాయాలు తెరపైకి వస్తున్నాయి.
