మంచు మనోజ్.. ఇటీవ‌ల కాలంలో న‌టించిన ఏ సినిమా స‌క్స‌స్ కాక‌పోవ‌డంతో కెరీర్లో బాగా వెన‌క‌బ‌డ్డాడు. ఇక ప‌ర్స‌న‌ల్ లైఫ్‌లో విడాకులు తీసుకున్నాను అని ఎనౌన్స్ చేసి షాక్ ఇచ్చారు. అయితే... ఇక నుంచి సినిమాలపై దృష్టి పెట్టాల‌నుకుంటున్నాడ‌ట. దీపావళి సంద‌ర్భంగా ట్విట్ట‌ర్ ద్వారా త‌న ఫ్యూచ‌ర్ ఫ్లాన్ ఏంటి అనేది తెలియ‌చేసారు.
ఇప్ప‌టివ‌ర‌కు హీరోగా అల‌రించిన మనోజ్ ఇప్పుడు నిర్మాతగా మారి సినిమాలు నిర్మించాల‌నుకుంటున్నాడు. ఈ విష‌యాన్ని తెలియ‌చేస్తూ... మంచి సినిమాలను అందించ‌డానికి, ఇండ‌స్ట్రీలో కొత్త టాలెంట్‌ను ఎంక‌రేజ్ చేయాలనే ఉద్దేశ్యంతో ఎమ్ఎమ్ ఆర్ట్స్ పేరుతో నిర్మాణ సంస్థ‌ను నిర్మించిన‌ట్లు తెలియ‌చేసారు. నా కొత్త జర్నీ మొదలైంది.
నా సొంత నిర్మాణ సంస్థ ఎమ్ఎమ్ ఆర్ట్స్ నిర్మాణంలోనే నా తదుపరి చిత్రాలు వస్తాయి. అదేవిధంగా కొత్త టాలెంట్కు సపోర్ట్ చేయాలనే ఉద్దేశంతోనే నిర్మాణరంగంలోకి అడుగుపెట్టాను అని చెప్పారు.
భవిష్యత్‌‌లో మా నిర్మాణ సంస్థ నుంచి వచ్చే మంచి చిత్రాలను మీరు చూస్తారు. ఎమ్ఎమ్ ఆర్ట్స్ తరుపున మీకు మీ కుటుంబ సభ్యులకు దీపావళి శుభాకాంక్షలు. లవ్‌ యూ ఆల్‌ అని మంచు మనోజ్ ట్విట్ట‌ర్లో పోస్ట్ చేశారు. మ‌రి... హీరోగా ఆశించిన స్థాయిలో స‌క్స‌ెస్ సాధించ‌లేక‌పోయిన మనోజ్ నిర్మాతగా రాణిస్తాడ‌ని ఆశిద్దాం.
