షూటింగ్‌లు బంద్ అంటూ అన్ని మాట‌లు అంద‌రికీ చెప్పిన తెలుగు సినిమా నిర్మాత‌ల పెద్ద దిక్కు దిల్‌రాజు మాత్రం త‌న సినిమా షూటింగ్ జ‌రుపుకుంటున్నాడు. ఈ విష‌య‌మై ప‌లువురు ప్ర‌శ్న‌లు కురిపిస్తే ఆయ‌న అందుకు వివరణ ఇచ్చారు.
దిల్‌రాజు పాన్ ఇండియా సినిమా షూటింగ్ చేస్తున్నాడు. తమిళ హీరో విజ‌య్‌తో చేస్తున్నాడు. ఈ విష‌యాన్ని చెబుతూ, నా సినిమా షూటింగ్ జరిగేది తమిళం లో విజయ్ తో. తెలుగు సినిమాలు మాత్రమే బంద్. నేను ఎటువంటి తెలుగు సినిమా షూటింగ్ లు చెయ్యండంలేదు అంటూ దిల్ రాజు వివరణ ఇచ్చారు.
దీనిపై సినీమా ప్ర‌ముఖులు వ్యాఖ్యానిస్తూ, తెలుగులో షూటింగ్ జ‌ర‌గ‌వు. అయితే ఇత‌ర రాష్ట్రంల‌లో షూటింగ్‌లు జ‌రుపుకోవ‌చ్చ‌ని దిల్‌రాజుగారే చెప్ప‌డం వారిలో జోష్ నింపింది. అంటే దాదాపు పెద్ద సినిమాల‌న్నీ ఇత‌ర చోట్ల జ‌రుగుతుంటాయి. ఒక‌ర‌కంగా తెలుగులో కొద్దికాలం షూటింగ్‌లు నిలిచిపోతే ఇత‌ర బాష‌ల‌చోట్ల జ‌రుపుకోవ‌చ్చ‌ని ఆ దిశ‌గా ప్లాన్ చేసుకోవ‌చ్చ‌ని తెలుస్తోంది. పాన్ ఇండియా పుణ్య‌మా అని ఇప్పుడు రెండుమూడు భాష‌ల్లో సినిమాలు తీస్తున్నారు.
