ఈమధ్య తెలుగు సినిమారంగంలో కొత్తగా వచ్చే కథానాయకులకు తమ సినిమా ప్రమోషన్ కోసం కొందరు ప్రముఖులను కలిస్తే ప్రచారానికి ససేమిరా అనడం తెలిసిందే. ఈ విషయం చాలామంది నూతన హీరోలకు జరిగిన మాట వాస్తమే. దీనిపై దిల్ రాజు ఇండస్ట్రీ పెద్దగా నేడు మాట్లాడారు. నేను మొన్న ఓ వీడియో చూశాను. తాను చేసిన సినిమా ప్రమోషన్ లో భాగంగా రాజేష్ అనే కథానాయకుడు చాలా బాధను వ్యక్తం చేశాడు. ఇండస్ట్రీ ఎవ్వరూ గెస్ట్ లుగా రావడంలేదనీ, ఏవో కారణాలతో వాయిదా వేస్తున్నారనీ అంటూ తన ఆవేదన వ్యక్తం చేశారు.
ఇది విన్నాక నేను క్లారిటీ ఇవ్వదలిచాను. ఇండస్ట్రీలో ఎవరూ ఎవరికీ ఎవరూ సపోర్ట్ చేయరు. మనమేంటో ముందుగా మనం నిరూపించుకోవాలి. అప్పుడు నీవెనుక ఇండస్ట్రీ వుంటుంది. ఇక్కడ ఎవరి పనుల్లో వారు బిజీగా వుంటారు. ఒక్కోసారి టైం సెట్ కాకపోవచ్చు. షడెన్ వస్తానన్నవారు రాకపోవచ్చు. అంతేకానీ ఇక్కడ మనం పిలిస్తే రాలేదని అనడం కూడా సరికాదు.
నేను కొత్తగా ఓ విలేజ్ నుంచి వచ్చా. హైదరాబాద్ లో పంపిణీదారుడిగా కొన్ని సినిమాలు చేశాను. నిర్మాతగా సినిమారంగంలోకి వచ్చినప్పుడు నాకూ కొత్తే. ఎవ్వరూ పెద్దగా సపోర్ట్ చేయలేదు. నా సినిమా హిట్ అయ్యాక.. అప్పుడు నా పేరు దిల్ రాజుగా మారిపోయింది అని తెలిపారు. ఇప్పుడొస్తున్న ఔత్సాహిక కళాకారులు ఎంతోమంది తమ టాలెంట్ ను నిరూపించుకోనేందుకు వస్తున్నారు. వారు ప్రతిభ బయటపడితే అప్పుడు ఇండస్ట్రీలో మీ గురించి మాట్లాడుకుంటుంది అని అన్నారు.
