పెళ్లిపీటలెక్కనున్న మరో బాలీవుడ్ ప్రేమజంట
బాలీవుడ్‌కు చెందిన మరో ప్రేమజంట పెళ్లిపీటలెక్కనుంది. ఇటలీలో పెళ్లి చేసుకుని ముంబైలో రిసెప్షన్ పెట్టుకోవాలని ఆ ప్రేమపక్షులు భావిస్తున్నారు. ఆ లవ్ బర్డ్స్ ఎవరో కాదు.. దీపికా పదుకొనే, రణ్‌వీర్ సింగ్.
బాలీవుడ్‌కు చెందిన మరో ప్రేమజంట పెళ్లిపీటలెక్కనుంది. ఇటలీలో పెళ్లి చేసుకుని ముంబైలో రిసెప్షన్ పెట్టుకోవాలని ఆ ప్రేమపక్షులు భావిస్తున్నారు. ఆ లవ్ బర్డ్స్ ఎవరో కాదు.. దీపికా పదుకొనే, రణ్‌వీర్ సింగ్.
బాలీవుడ్ హీరోయిన్లు అనుష్క శ‌ర్మ, సోన‌మ్ క‌పూర్‌లు ఇలాగే త‌మ‌కి న‌చ్చిన వారిని ప్రేమ వివాహం చేసుకోగా, ప్రియాంక చోప్రా అమెరిక‌న్ సింగ‌ర్ నిక్ జోన‌స్‌తో త్వ‌ర‌లో పెళ్లి పీట‌లెక్క‌నుంది. ఇక దీపిక-ర‌ణ్‌వీర్‌లు కూడా ఇదే విధంగా పెళ్లిపీటలెక్కనున్నారు.
వీరిద్దరి వివాహం న‌వంబ‌ర్ 10వ తేదీన ఉత్త‌ర ఇట‌లీలోని లంబార్టీ అనే ప్ర‌దేశంలో అబ్బుర‌ప‌ర‌చే ప్ర‌కృతి అందాల మ‌ధ్య వీరి వివాహం జ‌ర‌ుగ‌నున్నట్టు ఫిల్మ్ వర్గాల సమాచారం. స‌ర‌స్సు చుట్టూ ఉన్న వ‌స‌తులు, లాడ్జిలు, విల్లాలు ఇప్పటికే బుక్ చేసినట్టు సమాచారం.
డెస్టినేష‌న్ వెడ్డింగ్ చేసుకోనున్న ఈ జంట ముంబైలో రిసెప్షన్ ప్లాన్ చేసుకున్న‌ట్టు తెలుస్తుంది. పంజాబీ సాంప్రదాయ ప్రకారం కుటుంబ సభ్యులు మాత్రమే పాల్గొనే రోకా సెర్మనీ ఇప్పటికే జరిగిపోయింది. త్వ‌ర‌లో నిశ్చితార్ధంతో పాటు పెళ్లి తంతు కూడా ముగించేయ‌నున్నారని అంటున్నారు.
పెళ్లి తర్వాత తాము కలిసి ఉండబోయే ఇంటిని కూడా వీళ్లు ఇప్పటికే ఎంపిక చేసుకున్నారట. ప్రస్తుతం తన తల్లిదండ్రులతో కలిసి ఉంటున్న ఇంటికి దగ్గరే ఓ రెండు అంతస్తుల బిల్డింగ్‌ను రణ్‌వీర్ కొన్నాడు. ఈ ఇంటిని తమ అభిరుచికి తగినట్లు ఈ జంట మార్పులు చేసుకుంటున్నట్టు సమాచారం.
