కరోనా వైరస్ కారణంగా దేశ వ్యాప్తంగా లాక్‌డౌన్ అమల్లో వుంది. దీంతో అన్ని రకాల సినిమా షూటింగులన్నీ బంద్ అయ్యాయి. అయితే, సినీ ఇండస్ట్రీనే నమ్ముకుని పూటగడుపుతున్న అనేక సినీ కార్మికుల ఆకలిని తీర్చేందుకు, వారిని ఆదుకునేందుకు వీలుగా మెగాస్టార్ చిరంజీవి కరోనా క్రైసిస్ చారిటీస్ మనకోసం అనే ట్రస్టును ఏర్పాటు చేశారు.
ఈ ట్రస్టుకు అనేక మంది హీరోలు, దర్శక నిర్మాతలు తమవంతుగా సాయం అందిస్తున్నారు. అయితే, హీరోయిన్లలో ఇప్పటివరకు కేవలం ఒకే ఒక్క హీరోయిన్ మాత్రమే విరాళాన్ని ప్రకటించింది. ఆ హీరోయిన్ పేరు లావణ్య త్రిపాఠి. ఇపుడు మరో హీరోయిన్ ఆ జాబితాలో చేరింది.
అలాగే, తమిళ సినీ ఇండస్ట్రీకి చెందిన పలువురు ప్రముఖులు కూడా తమవంతుగా విరాళాలు ఇస్తున్నారు. వారిలో మలయాళ బ్యూటీ నయనతార కూడా ఉన్నారు. నయనతార తనవంతుగా రూ.20 లక్షలను విరాళంగా ప్రకటించారు. అయితే, ఈమె సిసిసి మనకోసం విరాళం ఇవ్వలేదు. ఫిల్మ్ ఎంప్లాయిస్ ఫెడరేషన్ ఆఫ్ సౌతిండియా - ఫెప్సీకి ఇచ్చారు.
